ئاشكرایه یه‌كیك له گرفته به‌رده‌وامه‌كانى به‌كارهێنه‌ران كه رووبه‌رى كۆمپانیاى وه‌به‌رهێنه‌ر ده‌بێته‌وه ئه‌وه‌یه كه پاترى مۆبایله‌كانیان به‌رگه‌ى زۆر ناگرێت و به زووى بارگاویه‌كه‌ى ته‌واو ده‌بێت.
له گه‌ڵ ئه‌وه‌ى كۆمپانیاكان به‌رده‌وام له هه‌ولى به‌رزكردنه‌وه‌ى توانستى پاترى مۆبایله هۆشمه‌نده‌كانیان ، به‌ڵام نه‌یانتوانیوه له ئاست خواستى به‌كارهێنه‌رانیان بن ،به‌ڵام چی ده‌ڵێیت ئه‌گه‌ر مۆبایلێكى نوێى هۆشمه‌ند بكه‌وێته بازاره‌وه كه‌پێویستى به بارگاوى كردنه‌وه نه‌بێت ؟
لێكۆڵه‌رانى ته‌كنه‌لۆژی له زانكۆى واشتنۆن له ویلایه‌ته یه‌كگرتوه‌كانى ئه‌مریكا سه‌ركه‌وتوبوون له دروست كردنى یه‌كه‌مین مۆبایلى هۆشمه‌ند كه‌پێویستى به بارگاوى كردنه‌وه نیه و مۆبایله‌كه بێ پاتریه .
ئه‌م مۆبایله نوێیه ناوى backscatter و ووزه‌كه‌ى له شه‌پۆلى ڕادیۆییه وه‌رده‌گرێـت ، به‌مه‌رجێك نابێت ١٥ مه‌تر زیاتر لێى دوور بێت .
ئه‌م مۆبایله هۆشمه‌نده له‌گه‌ڵ ئه‌وه‌ى به یه‌كه‌مین مۆبایلى بێ پاترى داده‌نردێت له جیهاندا ، به‌ڵا” كۆمه‌ڵێك گرفتى هه‌یه ئه‌مه‌ش له‌به‌ر ئه‌وه‌ى ووزه‌كه‌ى له شه‌پۆله‌كانى رادیۆوه وه‌رده‌گرێت بۆیه زۆر به خاوى ته‌له‌فۆنى بۆدێت و ده‌ڕوات ، وه ناردن و به ده‌ست گه‌یشتنى نامه‌كان كاتى زۆر ده‌خایه‌نێت .
