بەکارهێنانی گووگڵ بۆ گەڕان و دۆزینەوەی شتەخواستراوەکان بووەتە بەشێک لە ژیانی ڕۆژانەی زۆربەی بەکارهێنەرانی ئینتەرنێت.

لەنێوان ئەو چەند ملیۆن و بلیۆن گەڕانەی رۆژانە لەنێو گووگڵدا ئەنجام دەدرێت، داواکاری خانمێکی بەساڵدا چووی تەمەن 86 ساڵان، وەک ” بە ئەدەبترین گەڕان” لەناو گۆگڵ ، هەژمار دەکرێ..!

خانمەکە وشەی ‘Please’ و ‘thank you’ ی لەکاتی گەڕانەکەیدا بەکارهێناوە و بەڕێزەوە داوای لەگووگڵ کردووە کە ژمارەیەکی ڕۆمانی بۆ وەربگێڕێتە سەر زمانی ئینگلیزی و نوسیوویەتی:
Please translate these roman numerals mcmxcviii thank you
search

‘بێن جۆن’ کە نەوەی ئەو خانمەیە ، دوای ئەوەی دەبینێ لاپتۆپی داپیرەی کراوەتەوە و ئەو نوسراوەی لەسەرە، وێنەیەکی لێ دەگرێت و بڵاوی دەکاتەوە لەسەر هەژماری خۆی لە تویتەر، کە تاوەکوو ساتی نوسینی ئەو بابەتە زیاتر لە 36 هەزار جار شەیر کراوە و زیاتر لە 51 هەزار جاریش لایکی بۆ کراوە
ئەمە جگە لەوەی ، وایکرد گووگڵ بە هەژماری تایبەت وەڵامی بداتەوە و بۆی نوسیووە:
خۆشەویسترین داپیرەی بێن. هیوادارین زۆرباش بیت. لەجیهانی بلیۆنان بەدوادا گەڕان، داواکاری و گەڕانی تۆ بزەی خستە سەرلێوی ئێمە. هەروەها وەلامەکەشی 1998 ە  . سوپاس
google

پۆستەکە ببینە لە twitter .

هەموو ماڵپەر و دەزگایەكی ڕاگەیاندن ئازادە لە بڵاو كردنەوەی بابەتەكانی ماڵپەری تێك ئای، بەمەرجێك ئاماژەی بە سەرچاوەكە بكات

شەیر بكە بۆ هاوڕێیانت

دەربارەی نوسەر

دەرچووی پەیمانگای زانستی کۆمپیوتەرم،بەشێوەیەکی گشتگیر تێکەڵم لەگەڵ تەکنەلۆژیا،بەتایبەت لەگەڵ سیستمی وه‌گه‌ڕخه‌رى ویندۆز و ئەندرۆید. گەیاندنی بابەتە پێویست و گرینگەکان، وە هۆشیارکردنەوە و چۆنیەتی مامەڵەکردن لەگەڵ جیهانی تەکنەلۆژیا بەشێوەیەکی پارێزراو، ئامانجی منە.

Comments are closed.