کۆمپانیای تویتەر نیشانەی متمانەبوونی لە هەندێک کەسایەتی سەندەوە.
مالپەری بی بی سی رایگەیاند کۆمپانیای تویتەر دوای ئەوەی گۆرانکاری کردوە لە یاساکانی نیشانەی متمانەبوونی لە ژمارەیەک لە ئەکاونتی توندڕەو و رەگەزپەرست وەرگرتەوە.
بە گوتەی ماڵپەڕی بیبیسی هەریەکە لە جاسۆن کێسلەر و ڕیچارد سپێنسەر، کە دوو کەسایەتی توندڕەوبوون، نیشانەکانیان لێوەرگیراوەتەوە، وە هەروەها تۆمی ڕۆبنسۆن دامەزرێنەری بزووتنەوەی (ئی دی ئێڵ)یش نیشانەکەی لێوەرگیراوەتەوە.
تویتەر رایگەیاند ئەو نیشانەیە پێوەرێکی گرنگ بووە بۆ پەسەندکردنی بەکارهێنەران و لە ئێستادا یاساکانی تویتەر گۆڕاون، هەرکەسێک لە چوارچێوەی یاساکان دەرچێت ئەوا متمانە لە ئەکاونتەکەی وەردەگیرێتەوە.
بە پێی یاسا نوێیەکانی تویتەر هەرکەسێک بانگەشە بۆ رەگەز پەرستی بکات ئەوا نیشانەی متمانەبوونی لێ دەسەنرێتەوە .
