کێبرکێی گەورە کۆمپانیاکانی بواری تەکنەلۆژیا لە ئاستێکی زۆر باڵا دایە و بەردەوام هەموو کۆمپانیاکان هەوڵ دەدەن بە خزمەتگوزاریەکانیان زۆرترینی خەڵک بۆلای خۆیان رابکێشن.
کۆمپانیای گووگڵ بە یەکێک لە هەرە باڵاترینی کۆمپایاکانی تەکنەلۆژی دادەنرێت لە سەر ئاستی جیهان بەتایبەت لە زۆری و بەهێزی بەرهەمەکانی.
ئەمڕۆ گووگڵ بە فەرمی تایبەتمەندی NEWS FEED ی راگەیاند کە دەبێتە جێگرەوەی گووگڵ ناو GOOGLE NOW و کۆمەڵێک تایبەتمەندی بۆ زیاد کراوە و بەگوێرەی ئارەزوەکان و لەسەر بنەمای گەڕانەکانت کۆمەڵێک هەواڵ و بابەتی سەرەنجراکێشت بەبەردەوامی لە نوێترینەکان بۆ ئامادە دەکات.
تایبەتمەندیەکە بەجۆرێکە هەر کاتێک گەڕانێک دەکەیت بەدوای هەر شتێک ، راستەوخۆ گووگڵ پێشنیاری دوگمەیەکت بۆ دەکات کە بریتیە لە Follow و دەربارەی ئەو بابەتەی کە بە دواگەڕانی بۆ دەکەی بۆ ئەوەی لە داهاتوو دا وەک لیستی ئارەزوەکانت دیاری دەکات و بەردوام ئاسانکاریت بۆ دەکات.
