كۆمپانیای ئه‌پڵ به‌رده‌وامه له پێشبڕكێكردنی مۆبایل و له هه‌وڵی ئه‌وه‌دایه كه به شتی ناوازه و جیاواز جیا له‌وه‌ی كه به سیسته‌مه‌كه‌ی بۆ ماوه‌یه‌كی دوور و درێژه ڕیزبه‌ندی پێشه‌وه‌ی گرتووه ده‌یه‌وێت تایبه‌تمه‌ندی مۆبایله‌كانیشی له ئاست سیسته‌مه‌كه‌ی بێت.
به‌رده‌وام جیهان له ڕووی ته‌كنه‌لۆژیاوه له به‌ره‌و پێش چووندایه و جوڵه‌ی خێرا به خۆیه‌وه ده‌بینێت كۆمپانیای ئه‌پڵیش پشكی شێری به‌رده‌كه‌وێت له‌م جووڵه خێرایانه و به‌وه ناسراوه كه هه‌نگاوی مه‌ترسیدار داوێت و باوه‌ڕی زۆری به‌خۆی هه‌یه ، دوا به‌دوای ئه‌وه‌ی كه له كۆتاییه‌كانی ساڵی ڕابردوو له ئایفۆن ٧ دا هه‌ڵستا به لابردنی هێدفۆن و هێدفۆنی جاك كه به wireless كار ده‌كات شوێنی گرته‌وه.
له ئێستاشدا باس له‌وه ده‌كرێت كه له كاتی ڕاگه‌یاندن و بڵاوكردنه‌وه‌ی ئایفۆنێكی نوێی كۆمپانیای ئه‌پڵ گۆڕینی بارگاوی كردنی ئایفۆن له ڕێگای كێبله‌وه ده‌گۆڕێت بۆ wireless و كۆمپانیای ئه‌پڵ له ئێستادا ئه‌م تایبه‌تمه‌ندیه تاقی ده‌كاته‌وه ، بێگوومان هاوشێوه‌ی كردنی هێدفۆن بۆ هێدفۆنی wireless ئه‌م تایبه‌تمه‌ندیه‌ش له ڕووی نرخه‌وه سوودێكی زۆری ده‌بێت بۆ كۆمپانیای ئه‌پڵ.
ئه‌م تایبه‌تمه‌ندیه نوێیه گه‌ر بخرێته بواری جێ به‌جێكردن و سه‌ربگرێت كۆمپانیای ئه‌پڵ ڕێژه‌یه‌كی زۆر به‌كارهێنه‌ر بۆ خۆی به‌ده‌ست ده‌هێنێت و ده‌توانێت به ڕێژه‌یه‌كی به‌رچاویش پێش كۆمپانیاكانی تری مۆبایل درووست كردن بكه‌وێت.
