دوێنێ له شه‌قامی Orchard و له شاری retail و له سه‌نته‌ری شاره‌كه كه ده‌كه‌وێته وڵاتی سه‌نگافوره كۆمپانیای ئه‌پڵ یه‌كه‌م فرۆشگای خۆی به فه‌رمی له ڕۆژهه‌ڵاتی باشوری ئاسیا كرده‌وه و بوو به نۆیه‌م به‌رزترین فرۆشگای فه‌رمی ئه‌م كۆمپانیایه ئه‌مریكیه كه دیارترینیان له شاره‌كانی دوبه‌ی و نیۆركن.
كردنه‌وه‌ی ئه‌م فرۆشگایه گرینگیه‌كی ئێجگار زۆری هه‌یه بۆ خه‌ڵكی سه‌نگافوره ، ئه‌مه‌ش زۆری بۆ په‌رۆشی خه‌ڵكی سه‌نگافوره ده‌گه‌ڕێته‌وه بۆ به‌كارهێنانی به‌رهه‌مه‌كانی ئه‌م كۆمپانیایه و جیا له‌مه‌ش دراوسێبوونی له‌گه‌ڵ وڵاته‌كانی تایله‌ند و هاوشێوه‌ی تایله‌ند.
كردنه‌وه‌ی فرۆشگاكه كاتژمێر ١٠ ی به‌یانی بوو به‌كاتی سه‌نگافوره و خه‌ڵكێكی یه‌كجار زۆر پێشوازیان له كردنه‌وه‌ی ئه‌م فرۆشگایه كرد و ژماره‌یه‌كی زۆری خه‌ڵكی له وڵاتانی تریشه‌وه هاتبوون هه‌روه‌ها هه‌موو ته‌مه‌نه‌كان به پیر و منداڵ و گه‌نجه‌وه به‌ژداریان له كردنه‌وه‌ی فرۆشگاكه‌ی ئه‌پڵ كرد.
