ئەمڕۆ بە بۆنەی یادی ڤالانتاینەوە کە سبەی ڕێکەوتی ١٤/٢/٢٠١٦ ئەو یادە لەسەر ئاستی جیهان بەڕێدەکرێت و تێیدا خۆشەویستان هەستی خۆیان بە چەندەها ڕێگەی جوانی جیاواز بۆ یەکتر دەردەبڕن، گۆڕانکارییەکی نوێ ڕوویداوە ئەویش دانانی نیشانەیەکی دڵە کە تیرێکی تێدایە و لە کاتی ئەکتیڤ کردنیدا لە هەندێک مۆبایلدا دەنووسێت “Your Valentine will be gift wrapped”واتە “سبەی ڕۆژی ڤالانتاین پڕ دەبێت لە خۆشەویستیی تایبەت بۆت ” دوای ئەکتیڤ کردنی هەر تێکستێک بنووسیت کە send ی دەکەیت لە شێوەی نامەیەکی داخراوی ڕەنگ سوور وەک لە سندوقێکی پێچراوی دیاریی وەهایە و بەو شێوەیە دەڕوات بۆ ئەو کەسەی بۆی دەنێریت.
ئەوەی شایەنی باسە ئەم نیشانەیە ڕەنگی سوورە و بە ڕەنگی سووریش ئەو ڕستەیە دەنووسێت، وا دیارە مەبەست لێی هیوا خواستنە بۆ بەشداربووانی فەیسبووک و بەتایبەت بەکارهێنانی بەرنامەی مێسینجەر”Messenger” کە ڕۆژێکی پڕ لە خۆشەویستی ببەنە سەر.
ئەم خزمەتگوزارییە بۆ پێدانی هەستی خۆشی و بەهێزکردنی پەیوەندییە کۆمەڵایەتییەکانە و بەتایبەت دورستکردنی پەیوەندی خۆشەویستی و ئاسانکاری بۆ بەشداربووان، ئەمەش وەک سەرپڕایزێک وایە بۆ ئەو کەسانەی دەیانەوێت یادی ئەم بۆنەیە بکەنەوە لەگەڵ خۆشەویستانیاندا.
س:nrttv
