ئەنجامدانی یارییەکان چەندە چێژبەخشن لەکاتی کردنیان و سەرکەوتن دا، هێندەش بەئازار ناڕەحەتن لەکاتی شکست و دۆڕاندا کە زۆرجار دەبێتەهۆی کاردانەوەی سەیر لای یاریزانەکە.
لە ڕووداوێکی سەیردا لە نیویۆرک پیاوێکی ٤٥ساڵان یارییەکەی کردووە بەرامبەر بە مندڵێکی ١١ساڵان، دوای ئەوەی پیاوەکە بە منداڵاکە دۆڕاوە توڕەبووە و گەیشتۆتە ئەوەی هەڕەشەی کوشتنی لێ کردووە، گوتوویەتی “دەتدۆزمەوە و بە چەکێکەوە دێمە لات، تۆ مردووی من ئەم شەو دێم بۆت، … “
بەڵام دوای ئاگادرکردنەوەی پۆلیس لەبابەتەکە و ناردنی پەیوەندییە تەلەفۆنی و دەقی نامە هەڕەشە ئامێزەکان، پۆلیس بەتاوانی ترساندن و هەڕەشەکردن لەمنداڵان، دەستبەسەری کردووە ، دوای دادگای کردنی بە بەڕی ٢،٥٠٠ دۆلار سزای داوە و بۆماوەیەکیش زیندانی کردووە.
یاری فۆرتنایت یارییەکی ئۆنلاینە و چەند یاریزانێک لەیەک کاتدا بەیەکەوە یارییەکە ئەنجام دەدەن.
سەرچاوە:
TNW
