وه‌زاره‌تی به‌رگری ئه‌مریكا به هۆکاری ئه‌منی‌و ترسی سیخوڕیکردن به‌سه‌ر كارمه‌نده‌كانیه‌وه، به‌كارهێنانی مۆبایلی هۆشمه‌ندی له‌جۆری هواوی له‌بنكه سه‌ربازییه‌كانی قه‌ده‌غه‌كرد.
“دیف ئیستبۆرن” وته‌بێژی وه‌زاره‌تی به‌رگری ئه‌مریكا (پنتاگۆن) ڕایگه‌یاند، ئێمە هه‌ردوو مۆبایلی هۆشمه‌ندی هواوەی و ZTE كه دروستكراوی چینن، بۆتە هۆکاری مه‌ترسی بۆسه‌ر كارمه‌ندانی وه‌زاره‌تی به‌گری، كه به‌هۆی به‌كارهێنانی ئه‌و دوو مۆبایله‌وه ترس له‌دزه‌پێكردنی زانیاری كارمەندەنمان ،
وتەبێژەکە ئەوەشی خستەڕوو ، كه به‌رپرسانی وه‌زاره‌ته‌كه‌ی ڕایانگەیاندوە چیتر ئه‌و دوو جۆره مۆبایله هۆشمەندە له‌لایه‌ن كارمه‌نده‌كانیانه‌وه له‌بنكه سه‌ربازییه‌كانی ئه‌مریكا به‌كارنه‌هێندرێت ، ئەمە لە کاتێکدایە هواوەی سێیه‌م گه‌وره‌ترین كۆمپانیای دروستكردنی مۆبایله له‌جیهاندا، له‌پاش ئایفۆن و سامسۆنگ.
