وولاتى ئیمارات بریارى دا به دروست كردنى به‌رزترین و گه‌وره‌ترین و هۆشمه‌ندترین باڵه‌خانه له جیهاندا كه‌له شارى دووبه‌ى پایته‌ختى بازرگانى ڕۆژهه‌ڵاتى ناوه‌ڕاست جێبه‌جێده‌كرێت .
ده‌سته‌ى ئاو و كاره‌باى دوبه‌ى له به‌روارى ٥\١١\٢٠١٦ له كۆنگره‌یه‌كى ڕۆژنامه‌وانیدا دروستكردنى (باڵه‌خانه‌ى كه‌شتى) ڕاگه‌یاند .
ئه‌م باڵه‌خانه‌یه له ناوچه‌ى جه‌داف له گوندى (ڕۆشنبیر) دروست ده‌كرێت و یه‌كه‌مین و به‌رزترین و گه‌وره‌ترین باڵه‌خانه‌ى هۆشمه‌نده له‌سه‌رانسه‌رى جیهان و جێگاى ٥ هه‌زار كارمه‌ند ده‌بێته‌وه .
ئه‌م باڵه‌خانه‌یه له‌سه‌ر ڕووبه‌رى ٢٠٠ هه‌زار مه‌تر دووجا بنیات ده‌نرێت و سه‌ره‌ڕاى ئه‌وى نوێترین ته‌كنه‌لۆژیاى سه‌رده‌مى تێدا به‌كارده‌هێندرێت ، له‌هه‌مان كاتدا سه‌ره‌وه‌ى باڵه‌خانه‌كه (سه‌ربانى باڵه‌خانه‌كه) له بوارى به‌رهه‌مهێنانی كاره‌با به تیشكى خۆر سوودى لێوه‌رده‌گیرێت كه له‌توانایدل هه‌یه كه 3500 كیلۆوات كاره‌با به‌رهه‌م بهێنێت .
جێگاى وه‌بیرهێنانه‌وه‌یه باڵه‌خانه‌ى هۆشمه‌ندى ته‌كنه‌لۆژی شێوه كه‌شتى ته‌نیا له ئه‌مریكا هه‌یه و تاوه‌كو ئێستا كارى تێداده‌كرێـ و ته‌واو نه‌كراوه ، ئه‌ویش باڵه‌خانه‌ى كۆمپانیاى ئه‌پڵه و ناوى كه‌مپى كه‌شتى ئاسمانى ئه‌پڵه ، به‌لام ئه‌وه‌ى دووبه‌ى خزمه‌تگوزارى ته‌كنه‌لۆژی زیاتره و بیرۆكه‌ى نوێترى تێدابه‌كارهاتوه .
شایه‌نى باسه دووبه‌ى دووه‌م گه‌وره‌ترین شارى ووڵاتى ئیماراته و رووبه‌ره‌كه‌ى ٤١١٤ كیلۆمه‌تر دوجایه و ژماره‌ى دانیشتوانى نزیكه‌ى دووملیۆن و پێنج سه‌د هه‌زار كه‌سه و داهاتى ناوه‌خۆى ساڵانه‌ى زیاتر له ٨٢ ملیار دۆلاره و به پایته‌ختى بارزگانى رۆژهه‌ڵاتى ناوه‌ڕاست ناوبانگى ده‌ركردوه .
باڵه‌خانه‌ى داهاتووى كۆمپانیاى ئه‌پڵ
باڵه‌خانه‌ى داهاتووى ده‌سته‌ى كاره‌با و ئاوى دووبه‌ى
ڤیدیۆى باڵه‌خانه نوێیه‌كه‌ى دوبه‌ى
