کۆمپانیای گووگل ئێستا خەریکی پەرەپێدانی هێڵی پڕۆسێسەر تایبەت بە خۆیەتی بۆ ئەوەی لە داهاتوو بەکاری بێنی لەسەر مۆبایلەکانی گووگڵ پیکسڵ کە مۆبالێکی زۆر گرینگە بۆ کۆمپانیای گووگڵ، هەر بۆیە لە یەکەم هەنگاو کۆمپانیای گووگڵ نەخشەکێشی پێشووی پڕۆسێسەری کۆمپانیای ئەپڵ بەناوی (جۆن برونۆ)ی پەلکێشی لای خۆی کرد.

ماڵپەڕی Gadgets 360 بڵاوی کردەوە جۆن برونۆ ئەندازیارو بەرپرسی نەخشەکێشی پڕۆسێسەر لە کۆمپانیای ئەپڵ پەیوەندی بە کۆمپانیای گووگڵ کرد کە پێشتر بۆ ماوەی پێنج ساڵ لە کۆمپانیا ئەپڵ کاری کردووە.

ئەو پڕۆسێسەرانەی کە ئێستا لەسەر ئامێرەکانی ئایفۆن و ئایپادن ئەندازیار (جۆن برونۆ) و تیمەکەی بەرهەمیان هێناوە، ئەوەش وای کرد کە هەردەم پێشەنگ بێت و ببێتە پێشبرکێ لەلایان بەکارهێنەرانەوە.

chip-set-apple

وێنەی ئەندازیار جۆن برونۆ کە پێشتر بۆ ماوەی پێنج ساڵ لە کۆمپانیای ئەپڵ کاری کردووە

جۆن برونۆ پێش ئەوەی پەیوەندی بە کۆمپانیای ئەپڵ بکات وەکوو سەرۆکی ئەندازیاران کاری دەکرد کۆمپانیای Advanced Micro Devices بۆ نەخشەکێشی پڕۆسێسەر بۆ کۆمپانیای ATI، وە ئێستاش وەکوو ئەندازیاری سیستەم پەیوەندی بە کۆمپانیای گووگڵەوە کرد.

ڕەنگە لە ساڵی داهاتوو پڕۆسێسەری تایبەت بە کۆمپانیای گووگڵ ببینین.

هەموو ماڵپەر و دەزگایەكی ڕاگەیاندن ئازادە لە بڵاو كردنەوەی بابەتەكانی ماڵپەری تێك ئای، بەمەرجێك ئاماژەی بە سەرچاوەكە بكات

شەیر بكە بۆ هاوڕێیانت

دەربارەی نوسەر

وەرگێری زمانی ئینگلیزیم لە ساڵی 2002 وە ئاشنای تەکنەلۆژیای نوێم ئارەزوویەکی زۆرم بۆ بواری تەکنەلۆژیا هەیە بەتایبەت سیستەمی وەگەرخەری ویندۆز و ئەندۆرید دەمەوێت ئەو زانستەی هەمە لەم بوارەدا پێشکەشی هاوزمانی خۆم بکەم

Comments are closed.