وا چاوه‌ڕوان ده‌كرێت له ده‌ورووبه‌ری ٢١ی ئه‌م مانگه به‌رنامه‌ی مێسینجه‌ری فه‌یسبووك كۆمه‌ڵێك نوێكاری له به‌رنامه‌كه‌یدا بكات و به‌ره‌وه قۆناغێكی نوێ هه‌نگاو بنێت به پێی زانیاریه‌كان كامێرایه‌كی نوێ كه به ڕێژه‌یه‌كی زۆر له‌سه‌ر هه‌مان شێوازی كامێراكه‌ی سناپ چات ده‌بێت به‌شێكه له دیارترین نوێكاریه‌كان.
له ڕابردوودا دوای ئه‌وه‌ی تۆڕی كۆمه‌ڵایه‌تی فه‌یسبووك په‌ره‌سه‌ندنێكی زۆری به ده‌ست هێنا و هه‌موو جیهانی گرته‌وه به‌رنامه‌ی مێسینجه‌ریش ئه‌و به‌رنامه‌یه بوو كه هاوشانی به‌رنامه‌ی فه‌یسبووك كه له‌لایه‌ن كۆمپانیای فه‌یسبووكه‌وه سه‌رپه‌رشتی ده‌كرا.
یه‌كه‌م تاقیكردنه‌وه‌ی ئه‌م كامێرایه نوێیه له وڵاتی ئێرله‌ندا بوو كه مه‌به‌ست لێی خێراكردن و جوانتركردنی كامێراكه و ڕیكۆردكردنی ڤیدیۆ و وێنه گرتن بوو هه‌روه‌ها دانانی ماسك و كۆمه‌ڵێك ئیفێكت و ئیمۆجی و كۆمه‌ڵێك شتی تریش له پڕۆژه‌كانی ئه‌م كۆمپانیایه‌ن.
هه‌روه‌ها هاوبه‌شی كراوه له‌گه‌ڵ به‌رنامه‌ی پریسما كه پریسما ببێته یه‌كێك له‌و ئیفێكتانه‌ی له كامێرا نوێیه‌كه‌ی مێسینجه‌ر به‌كاربێت هه‌روه‌ها ئه‌م كامێرا نوێیه له‌سه‌ر هه‌ردوو سیسته‌می ئاندرۆید و ئای ئۆ ئێس زیاد ده‌كرێت.
هه‌روه‌ها ئه‌مڕۆ ئه‌م ڤیدیۆیه ده‌رباره‌ی كامێرا نوێیه‌كی مێسینجه‌ر له په‌یجی فه‌رمی مێسینجه‌ر له فه‌یسبووك بڵاوكراوه‌ته‌وه كه چاوه‌ڕوان ده‌كرێت ئه‌م نوێكاریانه پێش سه‌ری ساڵ بكرێن.
