زۆرێک لە ئێمە لەوانەیە نەزانین Game Trainer چییە ، یاخود بەشێکی کەم لە ئێمە دەزانێت . لەم بابەتەدا رونکردنەوەیەکی لەسەر دەدەین کە چییە و بۆچی بەکار دێت .
سەرەتا با بزانین Trainer چییە ؟
Trainer دەتوانین بڵێن شێوازێکە لە هاک کردنی یاریە ئەلیکترۆنیەکان و بریتییە لە پرۆگرامێکی بچوک لە لایەن کەسانی شارەزاوە دروست دەکرێت و بەکار دێت بۆ هاک کردن و زیادکردنی سکۆر و ئەو ژمارە و کۆین و هەر شتێکی تر کە لە یاریەکاندا هەیە ، بە پێی یاریەکە و ئەو Trainerی بۆی دروست کراوە.
لەبەر ئەوەی Trainer ەکان زۆربەیان ئەنتی ڤایرۆسەکان دەیانگرن و رێگە بە کارکردنیان نادەن من لێرەدا هیچ Trainer ێک دانانێم بۆ دابەزاندن لەبەر ئەوەی نەڵێن ڤایرۆسە ، بەڵام خۆتان دەتوانن لە Google بگەڕێن و بە ئاسانی بیدۆزنەوە ، تەنها بنووسە (Trainer for X) لە شوێنی X ناوی ئەو یاریەکە بنووسە ، بەم شێوە دەتوانی بەدەستی بێنیت .
پێویستە ئەوە بزانین کە Trainer ی هیچ یاریەک بۆ یاریەکی تر نابێت و هەر یاریەک Trainer تایبەت بە خۆی هەیە ، مەرجیش نیە هەموو یاریەک Trainer ی هەبێت .
چۆن بەکاری بهێنین :
چۆنییەتی بەکارهێنانی زۆر ئاسانە و تەنها Trainer ەکە دەکەینە و دایناخەین و یاریەکەش دەکەینەوە ، پاشان ئەو فرمانانەی لە Trainer ەکەدا هەیە دەتوانین بەکاری بێنین ، بۆ زیاتر ڕونکردنەوە دەتوانن سەیری ئەم نموونە بکەن .
نموونەی Trainer ێک بۆ PES 2016 و بەکار هێنانی :
ئەمە Trainer ێکە بۆ PES 16 و وەک لە وێنەکەدا دیارە توانای جێبەجێکردنی 9 کاری هەیە ،
دەبینین لە خوارەوە نوسراوە Game not found , trainer is waiting واتە یارییەکە نەکراوەتەوە و Trainer ەکە چاوەێی ئەوەیە یاریەکە بکەیتەوە .
فرمانەکان :
NUM 1 زیادکردنی گۆڵ تیپی یەکەم
NUM 2 زیادکردنی گۆڵ بۆ تیپی دووەم
NUM 3 فوول کردنی Stamina وا دەکات یاریزانەکان ماندوو نەبن
NUM 4 وەستاندنی کات
NUM 5 زیادکردنی کات (10 خولەک)
NUM 6 کەمکردنی کات (10 خولەک)
NUM 7 پارەی بێکۆتا
NUM 8 زیادکردنی پۆینت کە لە خولەکاندا بەکار دێت
NUM 9 دووهێندە کردنی خێرایی یارییەکە
HOME لابردنی هەموو ئەوانەی سەرەوە و ئاسایی کردنەوەی یارییەکە
دوای کردنەوەی یاریەکە دەبینین بەم شێوە Trainer ەکە چالاک دەبێت و ئامادەیە بۆ بەکارهێنان ،
با تاقی بکەینەوە ،
وەک بینیتان بەم شێوەیە ژمارەی گۆلەکان زیاد بوو ، بە پێی ویستی خۆمانە چەند جار دوگمەی NUM 1 ئەوەندە گۆڵ زیاد دەبێت بۆ تیپی یەکەم . چەند جاریش NUM 2 داگرین ئەوەندە گۆڵ زیاد دەبێت بۆ تیپی دووەم،بۆ فرمانەکانی تریش بە هەمان شێوە .
