چی دەکەی لەبارێکی لەناکاودا، ئەگەر هاتوو لەسەر ئەو کۆمپیوتەرەی ئیشی لەسەر دەکەی وەیارلێسەکەی ئیش نەکات یان تێکچوبێت یان ئەسڵەن وەیارلێسی هەرنەبێت.؟
لەم بابەتەدا ، فێری ئەو ڕێگەیە دەبیت، کە وەیارلێسی مۆبایلەکەت بەکاربهێنی بۆ پەیوەست بوونت بە ئینتەرنێت و دواتر لەڕێگەی کەیبڵەوە ئینتەرنێت بدەی بە کۆمپیوتەری مەبەست.


::: سیستمی ئەندرۆید :::

پێداویستیەکان:

* – مۆبایلێکی ئەندرۆید کە تایبەتمەندی USB tetheringی تێدا هەبێ.

*- کەیبڵێک بە بەستنەوەی مۆبایلەکە بە کۆمپیوتەر.

*- هەبوونی ویندۆوسی 7 لەسەر کۆمپیوتەر.

هەنگاوەکان:

1-وایفای مۆبایلەکەت بکەوە و پەیوەستی یەکێ لە خەتەکانی ئینتەرنێت ببە.

2-یەکێ لە بەرنامە ئینتەرنێتیەکان بکەوە و دڵنیابەوە لە پەیوەست بوونت بە ئینتەرنێت.

3-لەڕێگەی کەیبڵەکەوە ، مۆبایلەکەت ببەستەوە بە کۆمپیوتەرەکەت، دڵنیاببەوە لە ئیشکردنی کەیبڵەکە و گواستنەوەی زانیاری لەنێوانیاندا.

4-لەناو مۆبایلەکەتەوە بڕۆ بۆ بەشی Settings لەوێ و لەبەشی Connections هەڵبژاردەی More networks هەڵبژێرە ئینجا لەوێ Tethering and mobile hotspot بکەوە دواتر پەنجە بنێ بە چوارگۆشە بەتاڵەکەی تەنیشت نوسینی USB tethering و چالاکی بکە.

5-دەبینی دوای کەمێک مۆبایلەکەت دووبارە پەیوەستی کۆمپیوتەرەکەت دەبێ و هەندێ پێناسی تایبەت بۆ وەرگرتنی ئینتەرنێت لە مۆبایلەکەوە، دادەبەزێنێت.

پاشان هێمای پەیوەست بوون بە ئینتەرنێت لەسەر کۆمپیوتەرەکەت دەردەکەوێت و دەتوانی سودی لێوەربگری. تێبینی: ئەم هەنگاوانە لەسەر مۆبایلی گالاکسی S4 mini مۆدێڵ I9195I تاقیکراوەتەوە، گەر ئێوە پرسیارێکتان لادروست بوو ، یان کێشەیەکتان بۆ هاتە پێش، بە سەرنجێک ئاگادارمان بکەنەوە ، تا بتوانین یارمەتیتان بدەین.

هەموو ماڵپەر و دەزگایەكی ڕاگەیاندن ئازادە لە بڵاو كردنەوەی بابەتەكانی ماڵپەری تێك ئای، بەمەرجێك ئاماژەی بە سەرچاوەكە بكات

شەیر بكە بۆ هاوڕێیانت

دەربارەی نوسەر

دەرچووی پەیمانگای زانستی کۆمپیوتەرم،بەشێوەیەکی گشتگیر تێکەڵم لەگەڵ تەکنەلۆژیا،بەتایبەت لەگەڵ سیستمی وه‌گه‌ڕخه‌رى ویندۆز و ئەندرۆید. گەیاندنی بابەتە پێویست و گرینگەکان، وە هۆشیارکردنەوە و چۆنیەتی مامەڵەکردن لەگەڵ جیهانی تەکنەلۆژیا بەشێوەیەکی پارێزراو، ئامانجی منە.

Comments are closed.