وێنەی پاسێک کە پەنجەرەکان و پێش و دواوەی هاوشێوەن زۆرێک لە کەسانی پێگەیشتوویی بەخۆیەوە سەرقاڵکردووە، ئەگەرچی ئەم جۆرە پرسیارانە بۆ دیاریکردنی توانای لێهاتوى منداڵانی قۆناغی سەرەتایی دیاریکراون.
ناشناڵ جیۆگرافی وێنەی پاسە زەردەکەی نیشانی چەندین منداڵ و کەسانی پێگەیشتوودا کە لە دەرئەنجامدا دەرکەوت منداڵان بە ڕێژەیەکی زیاتر وەڵامی پرسیارەکە دەزانن.
لە تاقیکردنەوەیەکی ناشناڵ جیۆگرافیدا دەرکەوت منداڵانی خوار تەمەن ١٠ ساڵ بە ڕێژەی لەسەدا ٨٠ یان وەڵامی ڕاستیان بۆ پرسیارەکە پێبوو.
وەڵامە ڕاستەکە ئەوەیە، ئەگەر پاسەکە لە بەریتانیا بێت ئەوا بە ئاڕاستیەی ڕاستدا تێدەپەڕێت، چونکە هیچ دەرگایەک لە ڕووی پاسەکەدا دەرناکەوێت، واتە دەرگاکەی لە ڕوەکەی تری پاسەکەدایە، بەڵام ئەگەر لە هەر وڵاتێکی دیکەبێت ئەوا بە ئاڕاستەی چەپدا تێپەڕدەبێت.
توێژینەوەیەک لە زانکۆکانی لەندەن و بیرکبێرک ئەنجامدراوە و تیایدا هاتووە “تێڕوانینی منداڵانی خوار تەمەن ١٢ ساڵ بۆ شتە بینراوەکان جیاوازە لە کەسانی پێگەیشتوو.”
هەروەها ئەوەش هاتووە “منداڵان یەکەم بینین لە مێشکیاندا لێکدەدەنەوە و ئەمجۆرە بیرکردنەوەیەش وردنابێت، بەڵام خێراترە، بەڵام کەسانی پێگەیشتووش زانیاری بینراوی جیاواز لێکدەدەنەوە و هەستەکانیشیان تێکەڵ بە بیرکردنەوەیان دەکەن.”
ساکار سەدرەدین-nrt
