كۆمپانیای ئەپڵ نیازی ئەوەی هەیە چەند جۆرە مۆبایلێكی شكاو بكڕێتەوە، بۆ ئەو مەبەستەش جۆرەكانی نیشانكردوون.
رۆژنامەی (ئو ئێس ئای تودەی) ئەمریكی بڵاویكردۆتەوە، كۆمپانیای ئەپڵ نیازی وایە چەند جۆرە مۆبایلێكی ئایفۆن بكڕێتەوە.
ئەمەو ئەپڵ هەریەكە لەمۆبایلەكانی (ئایفۆن پێنج ئێس و شەش پڵەس) بەتایبەتی ئەوانەی شاشەكانیان شكاوە یان كامێراكەیان یان هەزازی گرفتیان هەیە.
لەبارەی نرخەكانیش ئەپڵ رایگەیاندووە، مۆبایلی پێنج ئێس بە (50) دۆلارو مۆبایلی ئایفۆن شەش بە (200) دۆلارو مۆبایلی ئایفۆن شەش پڵەس بە (250) دۆلار دەكڕێتەوە.
لەبارەی ئامانجەكەی لەكڕینەوەی ئەو مۆبایلانە، ئەپڵ رایگەیاندووە: ئەوان مەبەستیانە ئەو جۆرە مۆبایلانە لەبەكارهێنەرەكان بكڕنەوە تاكو كڕیارەكان مۆبایلێكی تری ئایفۆن بكڕن.
