کورد پلەی ئێکەمین کۆگەها تایبەت ب فلم و ئەنیمەیشنان دهێتە چێکرن ژ لایێ گەنجەکێ بادینان ب ناڤێ ( ئەیمەن صەبری) ڤە ، کارێ وێ پرۆگرامی پێدانا پێزانینانە دەربارێ فلم و ئەنیمەیشنێن جیهانی کو ژ لایێ گەشەپێدەرێن وی پرۆژەیڤە پەرە پێ دهێتە دان .

ئەیمەن صەبری گەشەپێدەر و ڕێڤەبەرێ وی پرۆژەیێ ناڤ بری د دیبەیتەکێ دگەل هەڤکارێن مە ڕاگەهاند کو ئارمانج ژ چێکرن ئانکو دامەزراندنا وی پرۆژەیی ئەڤە کو د ناڤ ملەتێ کورد دا گەلەک گرنگی ب فلمان ناهێت دان و راگەهاند کو وی دڤێت وی پرۆژەیێ خۆ بکەتە مەڵبەندەک ژبۆ فلم و ئەنیمەیشنان داکو جڤاکا کوردی زێدەتر گرنگیێ ب فلمان بدەن و پێزانینێن زێدەتر کۆم کەن ل سەر وی بواری .

 

پرۆژەیێ کورد پلەی کو د نهادا ب تنێ ژبۆ سیستەمێ ئەندرۆیدی هاتییە بەلاڤکرن د کۆگەها (Play Store) زێدەتر ژ ئێک هزار داونلۆدان یێ خرڤەکری ، و جهێ تێڕامانێیە کو ئەڤ پرۆژەیە د نهادا ب تنێ ب زمانێ ئینگلیزی و ( کوردی – بادینی ) بەردەستە و ب چەندان تایبەتمەندییێن جدا هاتییە بەردەست کرن ، و هەرهوسا ئەڤ پرۆژەیە هاتییە دیزایین کرن ژ لایێ گەشەپێدەرێ وی پرۆژەیی کو ڕێڤەبەرێ وی پرۆژەیی ڕادگەهینیت کو دیزاینا وی پرۆژەیی ژ دیزاینێن مەتڕیاڵێن کۆمپانیا گۆگڵ هاتییە ستاندن و دووبارە ژ نیڤە هاتییە دیزایین کرن.

 

گرنگترین تایبەتمەندییێن کورد پلەی

  • دیتنا پێزانینێن فلم و ئەنیمەیشنێن جیهانی ب زمانی کوردی.
  • نیشاندان و ژێک جدا کرنا جۆرێن فلم و ئەنیمەیشنان.
  • نیشاندانا ڕێژەیا تەماشەوانێن فلم و ئەنیمەیشنان.
  • بەرجاڤکرنا ناڤێ دەرهێنەرێ فلم و ئەنیمەیشنان.
  • هەبوونا خزمەتگوزاریا گەڕیانێ د ناڤ وی کۆگەهیدا.
  • بەرجاڤکرنا ناڤێ ئەکتەرێن فلم  و ئەنیمەیشنان.
  • بەرجاڤکرنا ژیێ تەماشەوانان ژبۆ دیتنا فلمی و بەرچاڤکرنا دیمەنێن نەدرست ژبۆ ژیێ تەماشەوانان.
  • بەرچاڤکرنا دەم ئانکو ساڵا بەلاڤەکرنا فلم و ئەنیمەیشنان.

 

 

و هەرهوسا جهێ باسێیە کو ئەپڵیکەیشنا کورد پلەی چ بها سەر نەهاتینە قایم کرن و ب شکلەکێ فری و بی بەرامبەر هوین دکارن ژبۆ مۆبایلێن کارپێکەرێن سیستەمێ ئەندرۆیدی داونلۆد کەن ، ژ ڕێکا وی ئایکۆنێ کو ل خار هاتییە دانان.

giphy

هەموو ماڵپەر و دەزگایەكی ڕاگەیاندن ئازادە لە بڵاو كردنەوەی بابەتەكانی ماڵپەری تێك ئای، بەمەرجێك ئاماژەی بە سەرچاوەكە بكات

شەیر بكە بۆ هاوڕێیانت

دەربارەی نوسەر

Reverse Engineer | Pentester | Web Developer | Programmer

Comments are closed.