نوێ ٢٠٢١: لە ئێستادا بە پەنجە داگرتن لەسەر نامەی نێردراو و هەڵبژاردنی Remove دواتر Unsend دەتوانی لای هەردوولا نامەکە بسڕدرێتەوە، وە سڕینەوەش لەماوەی ١٠ خولەکەوە درێژکراوەتەوە بۆ هەر کاتێک بتەوێت بیسڕیتەوە.
ڕۆژی ٥_٢_٢٠١٩ رۆژێک دوای ساڵی یادی ١٥ ساڵەی دامەزراندنی فەیسبووک و دوای چاوەڕوانییەکی زۆری بەکارهێنەران، دواجار فەیسبووک بەفەرمی تایبەتمەندی سڕینەوەی نامەی نێردراوی زیادکرد بۆ مێسنجەر.
تایبەتمەندییەکە بەو جۆرەیە، دوای ئەوەی بەکارهێنەر نامەیەکی نارد بۆ هاوڕێیەکەی دواتر بەهەر هۆکارکێک پەشیمان بوو لەناردنی و مەبەستی بوو بیسڕێتەوە لای هاوڕێیەکەی، فەیسبووک ماوەی ١٠ خولەک توانای سڕینەوەی داوە پێی تاکوو بیسڕێتەوە لای هەردوو لا ( لای خۆیی و لای هاوڕێیەکەشی) بەم جۆرەی خوارەوە:
دوای ناردنی نامەکە، بەکارهێنەر دەتوانێت پەنجە داگرێت لەسەر نامەکە و پاشان لەخوارەوە بژاردەی Remove لێ بدات ئینجا Remove for everyone هەڵبژێرێت و Remove لێ بدات، بەم شێوەیە لای هەردوولا دەسڕدرێتەوە،
تێبینی : دوای ناردنی هەر نامەیەک تەنها لەماوەی ١٠ خولەکدا دەتوانی لای هەردوولا نامەکە بسڕیتەوە و ناتوانی لەو کاتە زیاتر نامەکان بسڕیتەوە لای کەسی بەرامبەر.
