سکایپ ڕایگەیاند کە ئێستا بەکارهێنەرانی بێ بەکارهێنانی هیچ بەرنامە و پڕۆگرامێک دەتوانن پەیوەندییەکانی ناو سکایپ تۆماربکەن، بە پەیوەندییە ڤیدیۆییەکانیشەوە.
بەکارهێەران دەتوانن لەسەر هەمو ئامێرەکان خزمەتگوزارییەکە ئیش پێ بکەن جگە لە ئەپی سکایپی سەر ویندۆز ١٠ کە لەچەند هەفتەی داهاتوودا بڕیار وایە بۆ ئەویش زیاد بکرێت.
لەکاتی ڕیکۆردکردنی پەیوەندییەکاندا لایەنی بەرامبەر ئاگاداردەکرێنەوە لەوەی پەیوەندییەکە تۆمار دەکرێت، وە سکایپ تاکوو ٣٠ رۆژ پەیوەندییە تۆمارکراوەکان هەڵدەگرێت و بەکارهێنەریش لەو ماوەیەدا دەتوانێت پەیوەندییە تۆمارکراوەکان بنێرێت یاخوود هەڵبگرێت لەناو مۆبایلەکەیدا.
