لە چین، پۆلیسەکان لەڕێگەی تەکنەلۆژیای ناسینەوەی ڕووخسار توانیان تاوانبارێک لە هۆڵی کۆنسێرتێکدا کە هەزاران کەسی تێدابووە دەستگیربکەن.
AO ناسناوی تاوانبارەکەیە پۆلیس بەدوایەوە بووە و داواکراو بووە،ئەو لەکاتی بڕینی بلیتی کۆنسێرتەکە، بەدیکراوە و دوای پشتڕاستکردنەوەی ناسنامەکەی دەستگیرکراوە لەلایەن پۆلیسەکانەوە.

کۆنسێرتەکە هی هونەرمەند Jacky Cheung بووە  کە ٦٠،٠٠٠ (شەست هەزار) کەس ئەو ڕۆژە ئامادە بووە، کامێڕەی چاودێری ئاستبەرز دانرابووە لە شوێنەکە و تایبەتمەندی ناسینەوەی ڕووخساری مرۆڤیان تێدا هەبووە.
دوای چوونی تاوانبار بۆ هۆڵی کۆنسێرتەکە لەگەڵ هاوڕێ و خێزانەکەیدا بەمەبەستی بەسەربردنی کاتێکی خۆش، کامێڕا چاودێرییەکانی شوێنەکە ئەویان بەدیکردووە و ڕووخساریان ناسیوەتەوە، ڕاستەوخۆ سیستمی ئاگادارکردنەوەی کامێراکە پەیامی ناردووە و پۆلیسەکانی لێ ئاگادارکردۆتەوە.
Arrested_Mr_Ao
تاوانبار تووشی شۆک بووە بە گەیشتنی پۆلیسەکان و پێزانینی شوێنەکەی،لە گرتە ڤیدیۆیەکدا دەڵێت ” گەر زانیبای وەها کامێڕەیەک لەو شوێنەدا بوونی هەیە، هەرگیز پێی نەدەخستە ئەوێ و نەدەچوو بۆ کۆنسێرتەکە “.

بەپێی هەواڵێکی BBC،بواری ئاسایشی چین تۆڕێکی گەورەی کامێرەی چاودێری کردنی دامەزراندووە و  نزیکەی ١٧٠ملیۆن کامێڕەی چاودێری تائێستا جێگیرکراون و ڕەنگە ئەو ڕێژەیە زیادبکات و بگاتە ٤٠٠ملیۆن لە سێ ساڵی داهاتوودا، وە زۆرێک لەو کامێڕایانە زیرەکن و سیستمی ناسینەوەی ڕووخساریان تێدا هەیە.

سەرچاوە:
BBC
miaopai

هەموو ماڵپەر و دەزگایەكی ڕاگەیاندن ئازادە لە بڵاو كردنەوەی بابەتەكانی ماڵپەری تێك ئای، بەمەرجێك ئاماژەی بە سەرچاوەكە بكات

شەیر بكە بۆ هاوڕێیانت

دەربارەی نوسەر

دەرچووی پەیمانگای زانستی کۆمپیوتەرم،بەشێوەیەکی گشتگیر تێکەڵم لەگەڵ تەکنەلۆژیا،بەتایبەت لەگەڵ سیستمی وه‌گه‌ڕخه‌رى ویندۆز و ئەندرۆید. گەیاندنی بابەتە پێویست و گرینگەکان، وە هۆشیارکردنەوە و چۆنیەتی مامەڵەکردن لەگەڵ جیهانی تەکنەلۆژیا بەشێوەیەکی پارێزراو، ئامانجی منە.

Comments are closed.