لەکاتی زۆر بەکارهێنانی ئامێرەکانی کۆمپیوتەر و لاپتۆپ کە تۆز و پیسیان لەسەر دەنیشێت، پێویستە بە ڕێگەیەک پاکبکرێتەوە کە زیان بەو ئامێرانە نەگات و نەبێتەهۆی لەکارکەوتنیان.
لەکاتی پاککردنەوەی شاشەی کۆمپیوتەر نابێت بڕێکی زۆر لە ئاو یاخود کەرەستەکانی تری پاککردنەوە کە ماددەی کیمیاییان تێدایە بەکاربهێنرێت، بەڵکو دەبێت بڕێکی کەم ئاو بدرێت لە پارچە قوماشێکی پاک یان لۆکە و شاشەی کۆمپیوتەری پێ پاکبکرێتەوە.
وە کیبۆردی کۆمپیوتەر و لاپتۆپ بەهیچ جۆرێک نابێت بە ئاو کەرەستەی تر پاکبکرێنەوە، پێویستە بەو کەرەستانەی کە هەوایان هەیە وەک وشککەرەوە کە لە دوورەوە هەواکەی لێبدرێت یان بە بەکارهێنانی فڵچە یاخود پارەچە قوماشێکی ووشک پاک بکرێنەوە، بۆئەوەی تۆز و خۆڵەکەیان نەمێنێت.
هەروەها بۆ پاککردنەوەی ناوی کۆمپیوتەر باشترە ببرێتە لای کەسانی شارەزا لە چاککردنی ئامێرەکانی کۆمپیوتەر و لاپتۆپ ئەوان بە کەرەستەی تایبەت پاکی دەکەنەوە.
هەروەک لە هەواڵەکەی ماڵپەڕی ” computer-wd”دا هاتووە، دوای تەواو دڵنیابوونەوە لە پاککردنەوەی ئامێری کۆمپیوتەر و لاپتۆپ و نەمانی تەڕی و جوان وشکبوونەوەی ئەوکات دەتوانرێت بدرێت لە کارەبا و دووبارە کاری پێبکرێتەوە.
سەرچاوە:: ئێن ئارتی ۲
