دوای ئەوەی مۆبایلی نۆکیا 3310 بە شێوازێکی نوێ و ڕەنگ و تایمەندیەکی تازەوە گەڕایەوە، کە لەگەڵ ئەوەی پێشتر زۆر جیاوازی هەبوو، پێشوازییەکی باشیشی لێکرا لەلایان بەکارهێنەرانەوە، هەر بۆیە ئێستا زۆربەی کۆمپانیایەکانی دروست کردنی مۆبایلە کۆنەکان هیوا دەخوازن ئەوانیش بە شێوەیەکی نوێ بگەڕێنەوە بازاڕەکان وەکوو مۆبایلی نۆکیا 3310.
ئەم لیستەی خوارەوە ناوی ئەو مۆبایلانەن کە لە داهاتوو بە شێوەیەکی نوێ و تایبەتمەندی نوێیەوە دەگەڕێنەوە لای بەکارھێنانەران.
1- مۆبالی Motorola RAZR V3:
ئەو مۆبایلە یەکێکە لە مۆبایلە هەرە کلاسیەکان، کە بە شاسی ئەلەمنیۆم ڕوپۆش کراوە کیبۆردێکی بریقەداری هەبوو.
2- مۆبایلیNokia N-Gage
یەکەم مۆبایلی زیرەک بوو تایبەت بە ئاری کە ڕونمایەکی لە ناوەڕاست هەبێت، دوگمەکانی پەڕەی چاودێری لە دەستە چەپ بوو وە کیبۆردی لە دەستە ڕاست بوو، هەر چەندە ئەو مۆبایلە بێ هاوتا بوو بەڵام سەرکەوتنێکی ئەو تووی بە دەست نەهێنا.
3-مۆبایلیSony Ericsson T68i:
ئەم مۆبایلە لە ساڵی 2002 لە لایان کۆمپانیای سۆنی بڵاوکرایەوە، یەکەم مۆبایل بوو کە ڕەنگی ڕونمایەکەی ڕەنگاوڕەنگ بێت، وە بتواندرێت ئیمەیڵی پێ بنێریت، بلوتوسی هەبێت، وە پشتگیری مۆڵتیمیدیا بکات، ئەوەش بۆوە جێی ڕەزامەندی تەواوی بەکارهێنەران.
4- مۆبایلی Nokia 6600
یەکەم مۆبایل بوو کە لەلایان کۆمپانیای نۆکیا بە کوالیتیەکی زۆر بەرز دروست کرابێت کە پشتگیری وێبگەری پەڕەکانی ئینتەرنێتی دەکرد، وە یەکەم مۆبایل بوو پشتگیری MP3 کردبێت، یەکەم مۆبایلیش بوو پشتگیری یادەوەری دەرەکی دەکرد (میمۆری خاریجی). ئەم مۆبایلە بۆ یەکەم جار لە ساڵی 2003 بڵاو کرایەوە ئەو کات پێشوازییەکی زۆر گەرمی لێکرا لەلایان خەڵکی عێراق و هەرێمی کوردستان.
5- مۆبایلی Sony Ericsson P990
یەکەم مۆبایل بوو کە بە شاشەی لەمس کاربکات، کە دەتوانی بە دەست وەپێنوووس لەسەر ڕونمای مۆبایلەکە بنوسی یاخود ژمارەی مۆبایل لێبدەیت.
وە یەکەم مۆبایل بوو کە پشتگیری پەیوەندی ڤیدیۆیی دەکرد کە لە ڕێگای کامێرەی پێشەوەی کاری دەکرد.
6- مۆبایلی Motorola StarTac
ئەم مۆبایلە پاڵپشتی کراوە لە لایان زنجیرەی تەلەڤزیۆنی بەناوبانگ Star Trek کە لە ساڵی 1960 پەخشکرا، ئەم مۆبایلە نەوەی یەکەمی لە ساڵی 2004 بڵاو کرایەوە لە ساڵی 2007 بە تایبەتمەندی تازە نوێکراوەتەوە.
7- مۆبایلی Nokia 8110
ئەم مۆبایلە لە فلیمی ماتریکس بەکارهێندرا، ئەم مۆبایلە پێیان دەگووت مۆبایلی مۆز، بە هۆی ئەوەی شێوەی لە مۆز دەچوو، ئەم مۆبایلە لەلایان بەکارهێنەران زۆر پەسەند بوو بە هۆی دیزاینە سەرنجڕاکێشەکەیەوە.
8- مۆبایلی Nokia 76 10
ڕووکارێکی بریقەداری هەبوو هەر لەگەڵ دەرچوونی ئەم مۆبایلە بۆوە جێی سەرنجی بەکارهێنەرانی، لە کوردستانیش خەڵکێکی زۆر بەکاریان دەهێنا.
9- مۆبایلی Nokia 1100
یەکەم مۆبایلە لە مێژوو کە زۆرترین دانەی لێبفڕۆشرێت کە زیاتر لە 250 ملیۆن دانەی لێفڕۆشراوە لە سەرتاسەری جیهان.
