كۆمپانیاى فه‌یسبووك له‌ ڕێگاى پڕۆژه‌ى ئینته‌رنێـت دۆت ئۆرگه‌وه‌ ، خزمه‌تگوزارى ئینته‌رنێتى خۆڕایى بۆ ٣٠ وولاتى جیهان دابین كردوه‌ .

كۆمپانیاى كۆڕه‌ك تلیكۆمیش وه‌كو تاكه‌ وه‌كیلى كۆمپانیاى فه‌یسبووك ، ئه‌م خزمه‌تگوزاریه‌ پێشكه‌شى هاوڵاتیانى عێراق ده‌كات .

له‌ ماوه‌ى ڕابردوودا و  له‌ ڕێگاى ئه‌پڵیكه‌یشنى فه‌یسبووك لایت (facebook lite)ه‌وه‌ ده‌توانرا وێنه‌ و دیمه‌نه‌كانى فه‌یسبووك ببینیت ، به‌ڵام دواتر له‌لایه‌ن كۆمپانیاى كۆره‌ك تلیكۆمه‌وه‌ وه‌ستێندرا .

دیاره‌ به‌كارهینه‌رانى ئه‌م خزمه‌تگوزاریه‌ ، ته‌نها ده‌توانن له‌ ماسنجه‌ر و فه‌یسبووك به‌ بێ وێنه‌ سوودمه‌ند ببن ، به‌لام زۆرێك له‌ پڕۆگرامسازه‌كانى جیهان به‌ چه‌ندین ڕێگاى جیاوازه‌وه‌ ،توانیویانه‌ ئه‌و به‌ربه‌ستانه‌ بشكێنن وسوودمه‌ند بن له‌  ته‌واوى خزمه‌تگوزاریه‌كانى ئینته‌رنێت .

ئه‌مرۆ دوای زیاتر لە 4 كاتژمێر گەڕان لە ئینتەرنێت و تاقی كردنەوەی دەیان ڕێگا (هەمویان سەرنەكەوتو بوو )، دواجار چه‌ند ڕێگایەكی ئاسان و سەركەوتوانە م دۆزیەوە بۆ بەكارهێنانی ئینتەرنێتی كۆرەك بە تەواوی كارەكانەوە.

واتە ئەو هێڵە ئینتەرنێتە خۆڕاییەی كۆڕەك ، دەتوانێت ڤیدیۆكانی یوتوب ، هەموو ماڵپەرەكان ، داونلۆد و ئەپلۆد ، ڤایبەر و ئینستاگرام و فەیسبووك ، وی چات و تانگۆ و ..هتد سەرجەم ئەو كارانەی بە ئینتەرنێتی ئاسایی ئەنجام دەدرێن ، بەو ئینتەرنێتـە خۆڕاییەش ئەنجامی بدەیت .

له‌ ئێستادا له‌ هه‌ر ٣٠ ووڵاتى جیهان ، به‌كارهێنه‌رانى ئه‌م خزمه‌تگوزاریه‌ له‌ ڕێگاى ئه‌پڵیكه‌یشنێكى تایبه‌تى ڤی پی ئێن (vpn)،ه‌وه‌ ده‌توانن سوودمه‌ند بن له‌ ته‌واوى خزمه‌تگوزارى ئینته‌رنێـ ، واته‌ ده‌نگ و ڕه‌نگ و ڤایبه‌ر و وی چات و ئینستاگرام …هتد

به‌ پێى زانیاریه‌كانى ماڵپه‌رى تێك ئاى ، له‌ ئێستادا له‌چه‌ندین فرۆشگاى مۆبایل له‌ شارى سلێمانى، ته‌نها به‌ ٣ بۆ ٥ هه‌زار دینار، ئه‌و خزمه‌تگوزاریه‌ كار ده‌كرێت له‌سه‌ر مۆبایله‌كان.

مه‌به‌ستى سه‌ره‌كى ئێمه‌ش بۆ  بۆ جیهانی تەكنەلۆژیا و ئێوه‌ خۆشه‌ویست ئه‌وه‌یه‌  :

1- هیچ شتێك لە جیهانی تەكنەلۆژیا مەحاڵ نیە .
2- هیچ شتێك جێگای متمانە نیە .
3- هیچ كەسێكیش تەواو پارێزراو (پاراستنى  زانیاریەكان)نیە .

تێبینى  :مه‌به‌ستى ئێمه‌ ته‌نها لایه‌نه‌ زانستیه‌كه‌یه‌تى ،نه‌وه‌ك فێربوونى ،بۆیه‌ خۆتان ئه‌توانن به‌ ئاسانترین شیوه‌ له‌ گۆگڵ گه‌ڕان بكه‌ن و ڕێگاكانى سوودمه‌ند بوون له‌و خزمه‌تگوزاریه‌ وه‌ربگرن .

داواى لێبوردنیش له‌ خوێنه‌رانى ماڵپه‌رى تێك ئاى ده‌كه‌ین ، كه‌ وا بڕیار بوو فێركاری چۆنیه‌تى كاراكردن و سوود وه‌رگرتن له‌و خزمه‌تگوزاریه‌ بڵاو بكه‌ینه‌وه‌، به‌ڵام له‌ شه‌وى ڕابردوه‌وه‌ تاوه‌كو ئێستا چه‌ندین جار و به‌ چه‌ندین ڕێگا، ئاگادار كراوینه‌ته‌وه‌ و هۆشداریان داوه‌ كه‌ بلاو كردنه‌وه‌ى بابه‌تێكى له‌وشێوه‌یه‌ نایاساییه‌ .

بۆیه‌ جاریكى تر داواى لیبوردن ده‌كه‌ین و هیچ نامه‌كیش وه‌لام نادریته‌وه‌ كه‌ پرسیار له‌ چۆنیه‌تى كاراكردنى ئه‌و خزمه‌تگوزاریه‌ بكات

هاوپێچ : وێنەی مۆبایلەكەم لە كاتی بەركاهێنانی ماڵپەری یوتوب و لە ڕێگای ئینتەرنێتی خۆڕایی…

1935437_1030732683634962_1483503475335059704_n (1)

هەموو ماڵپەر و دەزگایەكی ڕاگەیاندن ئازادە لە بڵاو كردنەوەی بابەتەكانی ماڵپەری تێك ئای، بەمەرجێك ئاماژەی بە سەرچاوەكە بكات

شەیر بكە بۆ هاوڕێیانت

دەربارەی نوسەر

دەرچووی كۆلێژی زانست - بەشی كۆمپیوتەر م ، 4 ساڵ وەكو گرافیك دیزاینەر كارم كردوە ،بەشداری چەندین خولی نێودەولەتیم كردوە خاوەنی زیاتر له‌ ١٢ بڕوانامه‌ى نێوده‌وله‌تیم (ئەمریكى، هۆڵەندی ، نه‌رویجى ، توركی )لە بواری كۆمپیوتەر و ئینتەرنێت. سەرۆكی ڕێكخراوی تێك ئای بۆ خزمەتگوزاری تەكنەلۆژیای زانیاری... ئامانجی ئێمە پشتگیری و پاڵپشتی كردنی شارەزایانی بواری تەكنەلۆژیایە و پەرەدانە به‌ بەرهەمەكانیان.......

Comments are closed.