دۆناڵد تڕامپ سه‌رۆكی ئه‌مریكا یه‌كێكه له‌و كه‌سایه‌تیانه‌ی كه به ئه‌نجامده‌ری كاری سه‌یرو سه‌مه‌ره ناسراوه و به‌رده‌وام چاوی میدیاكانی له‌سه‌ره و باسی لێوه ده‌كرێت.
میدیاكاری به‌ناوبانگ Mike Allen كه نووسه‌ره له ماڵپه‌ڕی AXIOS ی ئه‌مریكی له ڕاپۆرتێكی باسی له‌وه كردووه كه ئایفۆنه‌كه‌ی تڕامپ یه‌ك جۆر ئه‌پڵیكه‌یشنی تێدایه و تڕامپ به‌كاریده‌هێنێت.
ئه‌و ئه‌پڵیكه‌یشنه‌ی كه تڕامپ به‌كاریده‌هێنێت بریتیه له تۆڕی كۆمه‌ڵایه‌تی تویته‌ر كه به‌وه ناسراوه سه‌رۆك وڵاتان و كه‌سایه‌تیه به‌ناوبانگه‌كان به‌كارهێنه‌ری به‌رده‌وامی ئه‌و تۆڕه‌ن هه‌روه‌ها تڕامپیش ئه‌م ئه‌پڵیكه‌یشنه به به‌رنامه‌یه‌كی باش ده‌زانێت بۆ نزیكبوونه‌وه و په‌یوه‌ندیه‌كی باش له‌گه‌ڵ گه‌لی ئه‌مریكا.
هه‌روه‌ها تڕامپ ڕاگه‌یاندنه‌كانی ئه‌مریكا به‌وه ناوزه‌ند ده‌كات كه ڕووداوه‌كان ناشرین ده‌كه‌ن و پیشه‌ی ڕاسته‌قینه‌ی خۆیان ئه‌نجامناده‌ن بۆیه ئه‌و بۆ ناردنی په‌یامه‌كانی تویته‌ر به باشترین ده‌زانێت.
