له‌گه‌ڵ به‌ره‌و پێشچوونی جیهان و ڕاپه‌ڕینی خه‌ڵك بۆ هه‌نگاونان به‌ره‌و سه‌رده‌مێكی پڕ له گۆڕانكاری و پێشكه‌وتوو یه‌كێك له ئامرازه دیاره‌كان بریتی بوو له ته‌كنه‌لۆژیا كه هه‌نگاوێكی خێرابوو بۆ گۆڕینی جیهان و پێكانی ئامانجه‌كانی جیهانی نوێ ، بێگومان ته‌كنه‌لۆژیا له ئێستادا ڕۆڵێكی كاریگه‌ری هه‌یه له سه‌رجه‌م پایه‌كانی ژیاندا و تێكه‌ڵی گشت كایه‌كانی ژیان بووه و زۆربه‌ی كات وه‌ك ئامرازێكی یه‌كلاكه‌ره‌وه ناوزه‌ند ده‌كرێت به هۆی به ته‌كنه‌لۆژیكردنی جیهان.
ئاینی ئیسلام ٢٠٠ ساڵ به‌ر له ساڵژمێری زایینی درووستبوو كه ڕۆڵێكی گرینگی هه‌بوو له گۆڕانكاری له جیهان و دوای ئه‌میش ته‌كنه‌لۆژیا هاته‌كایه‌وه و ئاینی ئیسلام و ته‌كنه‌لۆژیاش ته‌واوكه‌ری یه‌كترین كه ئامانجی درووستبوونی هه‌ردووكیان بریتیه له كارئاسانی بۆ خه‌ڵك ، بۆ ئه‌م مه‌به‌سته‌ش له ئێستادا زۆرێك له بانگخواز و مامۆستا ئاینیه‌كان له وتاره ئاینیه‌كان ئامرازه ته‌كنه‌لۆژیه‌كان به‌كاردێنن بێگوومان چه‌ندساڵێكیش ده‌بێت له كوردستاندا ئامێره ته‌كنه‌لۆژیه‌كانی كۆمپیوته‌ر و تابلێت له وتاره ئاینیه‌كان دا به‌كاردێن كه ئه‌مه‌ش به‌مایه‌ی خۆشحاڵی داده‌نرێت كه ئاینی ئیسلام به‌رده‌وام له‌گه‌ڵ به‌ره‌وپێشچوونی جیهان ده‌گونجێت.
زۆرێك له وتاربێژه دیاره‌كانی كوردستان هه‌ڵستاون به ئه‌نجامدانی به‌كارهێنانی ئامێره ته‌كنه‌لۆژیه‌كان له كاتی وتارداندا و كه به هۆكاری كارئاسانی و خێرا دۆزینه‌وه‌ی زانیاری ده‌زانن و به تێكه‌ڵبوونی وتار و ته‌كنه‌لۆژیای سه‌رده‌م ناوی ده‌به‌ن.
له‌هه‌مان كاتیشدا كۆمه‌ڵێك مامۆستای دیاریكراوی ئاینی هه‌ن كه له شوێنی ته‌كنه‌لۆژیا زیاتر گرینگی به كتێب و كتێبخانه ده‌ده‌ن كه به بڕوای ئه‌وان ته‌كنه‌لۆژیا جێگای باوڕی ته‌واو نیه و ئه‌گه‌ری هه‌ڵه‌ی زۆره و به‌هۆی ئه‌وه‌ی كاره‌كه‌ی ئه‌مانیش كه‌مترین هه‌ڵه له خۆی ده‌گرێت بۆیه به پێویستی ده‌زانێت زیاتر كتێب و كتێبخانه‌كان به‌كاربهێنرێت.
