یەکێک لە کێشە هەرە سەرەکیەکانی زۆربەمان بریتیە لەوەی کە ناتوانین لە کاتی گونجاو و دیاری کراو لە خەو هەڵبستین، یاخود بە جۆرێک خەومان گرانە ، کە لەوانەیە نەتوانین کاتەکان رێک بخەین و بەئاگا بێین.
بۆ ئەم مەبەستە توێژەران و ئەندازیارانی گروپی کیکستارتەرس بۆ یەکەمین جار توانیان بالیفی هۆشەند بە کۆمەڵێک تایبەتمەنسی ناوازەوە دروست بکەن.
لە گرینگترینی تایبەتمەندیەکانی ئەوەیە کە ئەم بالیفە بە شێوازێکی سروشتی بەئاگار دەهێنێت بەجۆرێک لە کاتی هەڵهاتنی خۆر، رەنگی بالیفەکە دەگۆڕێت و وا دەکات هەست بەوە بکەیت کە خۆر هەڵهاتووە و کاتی بە ئاگا هاتنەوەیە.
لە رێگەی تایبەتمەندی دانانانەوەی کاتەوە، دەتوانی ماوەی دیاری کراوی خەوتنت دیاری بکەی لە رێگەی مۆبایلەکەتەوە لە رێگەی ئاپی تایبەت بە بالیفەکەوە، وە کاتێک کاتەکە تەواو بوو، لەرێگەی گڵۆپە لید ەکانەوە رەنگی دەگۆڕێت و لەهەمان کاتدا دەتوانی ئاوازێک بە ئارەزووی خۆت هەڵبژێری بۆ ئاگادارکردنەوەت.
لەوەش تایبەتی تر ئەوەیە کە تەواوی زانیارەکانی خەوتنت تۆمار دەکات و دەتوانی سوودیان لێوەرگری لەکاتی پێویست.
ناوەوەی بالیفەکە پێک هاتووە لە کۆمەڵێک لید و هەستەوەری تایبەت و چیپ، بەڵام بە جۆرێک دیزین کراوە کە هەرگیز هەست بەو شتنە ناکەی بەڵکو هاوشێوەی هەر بالیفێکی ئاسایی و بگرە زیاتریش نەرمایی هەیە و دەتوانی بە ئاسانی و خەوێکی جیاواز بخەوی.
