ئێوارەی دوێنێ کاتژمێر 6 بەکاتی هەولێر، لە شاری نیویۆرکی ئەمریکا، سامسۆنگ چاوەڕوانییەکانی کۆتایی پێ هێنا و دوو نەوەی نوێی لە زنجیرەی S ی گالاکسی ڕاگەیاند کە +S8/S8 بوون.
ئاشکرا کردنی بەرهەمە نوێیەکان لەلایەن سامسۆنگەوە هەمیشە گرنگیەکی زۆری پێدەدرێت لە لایەن پێگە تەکنەلۆژیەکانەوە و خولیایانی تەکنەلۆژیاش بە تامەزرۆییەوە چاوەڕێی دەکەن، لە پاش ئاشکرا کردنیش زۆرترین باس و خواسی لەسەر دەکرێت و، هەمیشەش ڕای جیاواز پەیدا دەبێت لەبارەی بەرهەمەکانەوە، بەشێك لە خەڵك بە باشترین یان یەکێك لە باشترینەکان ناوی دەبەن و بەشێکی دیکەش ڕای پێچەوانەیان هەیە و ڕەخنەبارانی بەرهەمەکان دەکەن.
هەرچۆنێك بێت، ئەگەر تۆ یەکێك بیت لەوانەی کە ئارەزووت بۆ دواین بەرهەمەکانی سامسۆنگ ” گالاکسی +S8/S8 هەیە و تامەزرۆیت بۆی، ئەوە تێك ئای لەم بابەتەدا شتێکی بۆ هێناویت کە بێ گومان بە دڵت دەبێت، ئەویش پاشبنەماکانی مۆبایلەکانە، کە دەتوانیت ڕاستەوخۆ ” لە ڕێگەی وێبگەڕ (Browser)ـەوە ” دایان بگریت.
