لەگەڵ نزیکبوونەوەی وادەی ئاشکراکردنی گالاکسی S8 و +S8، تا دێت دەنگۆکان و وێنە و تایبەتمەندیە دزەپێکراوەکانی دوو مۆبایلەکە زیاتر دەبن، نوێترینیشیان بریتییە لە بڵاوبوونەوەی چەند وێنەیەکی +Galaxy S8، کە وێنەکان چەند زانیاریەکمان دەربارەی مۆبایلەکە پێ دەبەخشن، کە بریتین لە پشتڕاست کردنەوەی چەند دەنگۆیەك کە پێشتر بڵاو کرابوونەوە، ئەوانیش بریتین لە دیزاینی مۆبایلەکە و قەبارەی شاشەکەی و ڕوونی شاشەکەی.
ئاشکرایە کە لە ماوەی ڕابردوودا دیزاینی مۆبایلەکە لامان ئاشکرا بوو بوو بەهۆی چەند وێنە و ڤیدیۆیەکی دزەپێکراوەوە، ئەم وێنانەش زیاتر لەو دیزاینە دڵنیامان دەکاتەوە.
دەرکەوتنی دووەم، قەبارە و ڕوونی شاشەکەیەتی، کە قەبارەی شاشەکەی لە ڕابردوودا پێشبینی کرابوو بە ( 5.8 ئینج بۆ Galaxy S8 و 6.2 ئینج بۆ +Galaxy S8 )، ئەم وێنانە ئەوەشمان بۆ پشتڕاست دەکەنەوە کە قەبارەی شاشەی گالاکسی +S8 هەمان ئەو قەبارەیە دەبێت کە پێشبینی کرابوو.
هەروەها لە یەکێك لە وێنەکاندا، تایبەتمەندیەکی نوێی مۆبایلەکانی سامسۆنگ دەردەکەوێت کە لە وەشانی 7.0 (نووگەت)ی ئەندرۆیددا بەردەست کرابوو، ئەویش بریتیە لە توانای گوڕینی ڕوونی شاشە، بەمەش هەر سێ ڕوونی بەردەستمان لە گالاکسی +S8 دا بۆ ئاشکرا دەبێت، ئەوانیش بریتین لە : +HD کە لە HD ئاسایی ڕونترە و ڕوونیەکەی بریتیە لە 720 × 1280 پێکسڵ ، +FHD کە لە FHD ئاسایی ڕوونترە و ڕوونیەکەی 1080 × 2220 پێکسڵ، هەروەها +WQHD کە ئەمیش لە WQHD ی ئاسایی ڕوونترە و ڕوونیەکەی 1440 × 2960 پێکسڵە.
وێنەکان ببینە : 
