دوای ئه‌وه‌ی یاری Super Mario Run له سیسته‌می IOS بڵاوبووه و ڕێژه‌یه‌كی زۆر دابه‌زێنراو به‌كارهێنه‌رێكی به‌رچاو ڕوویان له‌م یاریه كردوو هه‌ر ئه‌مه‌ش وای له كۆمپانیای ئه‌پڵ كرد ئه‌م یاریه بۆ كاتژمێری ئه‌پڵیش زیاد بكات.
به‌هۆی ئه‌وه‌ی كێبڕكێیه‌كی قوڵ له نێوان هه‌ردوو سیسته‌می IOS و ئه‌ندرۆید هه‌یه به‌رده‌وام له به‌ره‌وپێشبردن و زیاتركردنی تایبه‌تمه‌ندی سیسته‌مه‌كانیانن ، بێگوومان ئه‌مه‌ش له میدیاكان به شتێكی باش و له قازانجی به‌كارهێنه‌ران وه‌سف ده‌كرێت.
له تویتێكیدا په‌ڕه‌ی Nintendo of America له تۆڕی كۆمه‌ڵایه‌تی تویته‌ر دوێنێ باسی له‌وه كردووه كه ٢٣ ی مانگ یاری Super Mario Run بۆ سیسته‌می ئه‌ندرۆید یش زیاد ده‌كرێت و ئه‌مه‌ش دوای ئه‌وه هات له كانوونی دووه‌می ڕابردوو ئه‌م یاریه له لایه‌ن Nintendo بۆ مۆبایلی ئایفۆن زیادكرا و له‌م ماوه‌یه‌شدا ٧٨ ملیۆن جار دابه‌زێندرا.
له‌م لینكه‌دا له ٢٣ی مانگ ده‌توانن ئه‌م یاریه دابه‌زێنن : Super Mario Run
