ئه‌ندازیارێكی ئه‌مریكیه كه له ساڵی ١٩٦٣ له ویلایه‌تی شیكاگۆ له دایكبووه و خوێندنی ناوه‌ندی له ساڵی ١٩٨١ له قوتابخانه‌ی Niles West High School ته‌واوكردووه و له ساڵی ١٩٨٥ یش بڕوانامه‌ی له بواری زانستی كۆمپیوته‌ر و ئه‌ندازیاری ئه‌لیكتڕۆنی له زانكۆی Northwestern University و دواتریش له ساڵی ١٩٨٥ ماسته‌ری هێناوه‌ته‌وه له زانكۆی ستانفۆرد.
له ساڵی ١٩٩٢ كرێمین هه‌ڵسا به درووستكردنی كۆمپانیای firm Los Altos Technology و سه‌ركردایه‌تی ئه‌م كۆمپانیایه‌ی ده‌كرد كه كاریان به‌رنامه درووستكردن بوو تایبه‌ت بوون به پڕۆگرامسازی.
له نیسانی ساڵی ١٩٩٥ ماڵپه‌ڕێكی درووست كرد به ناوی Match.com كه ماڵپه‌ڕێكی كه‌سی ڕاسته‌وخۆ بوو به‌ڵام له سه‌ره‌تادا به هۆی ئه‌وه‌ی ناوبانگی ته‌واوی نه‌بوو و بڵاونه‌بۆوه به نێو خه‌ڵكدا و به‌م هۆیه‌وه وازی له ماڵپه‌ڕه‌كه‌ی هێنا به‌ڵام دوای ماوه‌یه‌ك دووباره به نوێگه‌ریه‌وه ده‌ستی پێكرد و به‌رده‌وام به‌كارهێنه‌رانی ماڵپه‌ڕه‌كه‌ی له زیادبوون دابوون و نرخی كۆمپانیاكه‌ش به‌رزده‌بووه‌وه.
جیا له‌م ماڵپه‌ڕه‌ش له ماڵپه‌ڕی NetAngels.com كاری ده‌كرد و كار و پڕۆژه‌ی به‌رده‌وامیشی له‌گه‌ڵ كۆمپانیای مایكرۆسۆفت و گووگڵدا هه‌بوو و هه‌روه‌ها دۆمه‌ینی Sex.com یشی دۆزیه‌وه و به‌رده‌وام سامانه‌كانی ئه‌م پیاوه له زیادبوون دابوون تا ئه‌وه‌ی له بابه‌تێكی گۆڤاری New York Times دا له ساڵی ٢٠٠٧ سامانی كرێمین به ١٠ ملیۆن دۆلار مه‌زه‌نده‌كرا.
گاری ڕاسته ماڵپه‌ڕێكی درووست كرد به ناوی Match.com و به هۆی ئه‌م ماڵپه‌ڕه بوو به كه‌سێكی سه‌رمایه‌دار كه ماڵپه‌ڕه‌كه‌ی ماڵپه‌ڕێك بوو بۆ به‌یه‌كگه‌یشتنی هه‌ردوو ڕه‌گه‌زی نێر و مێ كه مه‌زه‌ندا ده‌كرێت ڕێژه‌یێكی بێ شوماری خه‌ڵكی به‌هۆی ئه‌م ماڵپه‌ڕه‌وه به‌یه‌كتری گه‌یشتبێتن.
به‌ڵام ئه‌وه‌ی جێگای داخ بوو هاوسه‌ره‌كه‌ی دامه‌زرێنه‌ری ئه‌م ماڵپه‌ڕه‌ش كه له ساڵی ٢٠٠٨ هاوسه‌رگیریان ئه‌نجامدابوو به دزی هاوسه‌ره‌كه‌یه‌وه په‌یوه‌ندی سۆزداری له‌گه‌ڵ پیاوێكی تردا گرێدابوو كه دوای ئه‌وه‌ی كه له گاری كرێمین جیابووه‌وه ڕایگه‌یاند كه ئه‌و له ڕێگه‌ی ماڵپه‌ڕه‌كه‌ی هاوسه‌ره‌كه‌یه‌وه ئه‌م پیاوه‌ی ناسیوه و په‌یوه‌ندیان به‌ستووه ، ئه‌مه‌ش به شتێكی سه‌رسوڕهێنه‌ر له ڕاگه‌یاندنه‌كانه‌وه ئاماژه‌ی پێدرا كه دامه‌زرێنه‌ری ماڵپه‌ڕێك به هۆی ماڵپه‌ڕه‌كه‌یه‌وه هاوسه‌ره‌كه‌ی لێی جیابێته‌وه و خیانه‌تی لێبكات سه‌ره‌ڕای ئه‌وه‌ی كه خاوه‌نی دوو منداڵ بوون.
