له‌ ئێستادا كێبڕكێیه‌كی زۆر توند به‌دی ده‌كرێت له‌ نێوان كۆمپانیا ته‌كنه‌لۆژیه‌كان بۆ ئه‌وه‌ی بتوانن به‌ درووستكردنی باشترین ئامێر زۆرترین به‌كارهێنه‌ر بۆ خۆیان ڕابكێشن ئامێری كۆمپیوته‌ریش به‌ هه‌مان شێوه‌ی ئامێری مۆبایل و ئامێره‌كانی تر زۆرترین چاوی له‌سه‌ره‌ و به‌رده‌وام له‌ هه‌وڵه‌كان بۆ به‌ره‌وپێشبردنی ئه‌و ئامێره‌ن .

له‌م چه‌ند ساڵه‌ی دواییدا ڕكابه‌رێكی به‌هێز بۆ كۆمپانیای ئه‌پڵ درووست بووه‌ بۆ درووستكردنی ئامێری كۆمپیوته‌ر كه‌ ئه‌ویش كۆمپانیای مایكرۆسۆفته‌ ، بێ گومان مایكرۆسۆفت ناوێكی نامۆ نییه‌ له‌ ته‌كنه‌لۆژیادا به‌ڵام واده‌ی ده‌ست به‌كاربوونی بۆ درووستكردن و هاتنه‌ نێو كایه‌ی كۆمپیوته‌ر درووستكردن به‌ شێوه‌یه‌كی پڕۆفیشنال بۆ دوای ساڵی ٢٠١٢ ده‌گه‌ڕێته‌وه‌ كه‌ ئه‌و كات سه‌ره‌تای بڵاوكردنه‌وه‌ی ویندۆس ٨ بوو ، هه‌رچی كۆمپیوته‌ری ئه‌پڵه‌ هه‌ر له‌گه‌ڵ به‌ره‌وپێش چوونی كۆمپیوته‌ر له‌ ئه‌مریكا سه‌ری هه‌ڵدا و له‌ دوای ساڵی ٢٠٠٠ ه‌وه‌ پڕ فرۆشترین كۆمپیوته‌ره‌ .

لێره‌دا جیاوازی نێوان دواهه‌مین كۆمپیوته‌ری مایكرۆسۆفت Surface Book و دواهه‌مین كۆمپیوته‌ری ئه‌پڵ MacBook Pro ده‌خه‌ینه‌ڕوو :

١. دیزاین :
مایكرۆسۆفت Surface Book : تیایدا detachable display به‌كارهاتووه‌ كه‌ دیزاینێكی ناوازه‌ به‌ شاشه‌ی كۆمپیوته‌ره‌كه‌ ده‌به‌خشێت .

MacBook Pro : تیایدا OLED Touch Bar به‌كارهاتووه‌ كه‌ جیاواز له‌ دیزاینه‌كانی پێشووتر جۆنی ئیڤی به‌ڕێوه‌به‌ری دیزاینی ماك ئه‌م جۆره‌ی به‌كارهێناوه‌ كه‌ ده‌توانیت له‌ ڕێگای ده‌ستهێنان به‌ كیبۆرده‌كانی سه‌ره‌وه‌ی كۆمپیوته‌ره‌وه‌ كار له‌سه‌ر ماك بووكه‌كه‌ بكه‌یت و له‌ جه‌سته‌ی كۆمپیوته‌ره‌كه‌ش مادده‌ی ئه‌له‌منیۆم به‌كارهاتووه‌ .
٢. شاشه‌
مایكرۆسۆفت Surface Book : شاشه‌كه‌ی ١٣.٥ ئینجه‌ و دیقه‌كه‌شی ٢٠٠٠ بۆ ٣٠٠٠ پێكسڵه‌ و شاشه‌كه‌شی له‌ ڕێگای ده‌ست پێداهێنان ده‌توانیت كاری پێ بكه‌یت به‌ هه‌مان شێوه‌ی مۆبایلی زیره‌ك ( Touch ) .
MacBook Pro : شاشه‌كه‌ی ١٣.٥ ئینجه‌ دیقه‌كه‌شی ٢٥٦٠ بۆ ١٦٠٠ پێكسڵه‌ و شاشه‌كه‌ی ڕێتینایه‌ كه‌ له‌لایه‌ن كۆمپانیای ئه‌پڵ به‌رهه‌م هێنراوه‌ شێوازی نیشاندانێكی ناوازه‌ به‌ شاشه‌ی ماك بووكه‌كه‌ ده‌به‌خشێت .

٣. ڕه‌قه‌ كاڵا ( هارد وێر )
مایكرۆسۆفت Surface Book : دوو جۆر CPU ی هه‌یه‌ بریتین له‌ Core i5 و Core i7 و ڕامه‌كه‌شی ٨ گێگا و ١٦ گێگایه‌ و دوو شوێنی USB ی هه‌یه‌ و شوێنی سیم كاردی هه‌یه‌.
MacBook Pro : جۆره‌ها CPU ی هه‌یه‌ و ڕامه‌كه‌شی ٨ گێگا و ١٦ گێگایه‌ و گرافیك كارده‌كه‌شی ٥٥٠ یه‌ و ٣ پۆڕتی هه‌یه‌ بۆ كۆنێكت كردن .

٤. نرخ
Surface Book : ( ٢٥٦ گێگا = ١٦٩٩$ )
MacBook Pro : ( ٢٥٦ گێگا = ١٧٩٩$)

هەموو ماڵپەر و دەزگایەكی ڕاگەیاندن ئازادە لە بڵاو كردنەوەی بابەتەكانی ماڵپەری تێك ئای، بەمەرجێك ئاماژەی بە سەرچاوەكە بكات
شەیر بكە بۆ هاوڕێیانت

دەربارەی نوسەر

قوتابی زانكۆی سه‌ڵاحه‌دینم له‌ كۆلێژی زانست به‌شی كۆمپیوته‌ر ، ئاره‌زوومه‌ندی زانیاری و ته‌كنه‌لۆژیام ، به‌ شێوه‌یه‌كی گشتی شاره‌زاییه‌كی باشم هه‌یه‌ له‌ ته‌كنه‌لۆژیادا و زیاتر گرینگی به‌ به‌رهه‌م و زانیاریه‌كانی ئه‌پڵ ده‌ده‌م ، ده‌مه‌وێت نوێترین هه‌واڵه‌كان به‌ گشتی به‌ ئێوه‌ بگه‌یێنم .

Comments are closed.