پاش ئه‌وه‌ی ئه‌م شه‌و كاتژمێر 10 ی شه‌و به كاتی كوردستان كۆنگره‌ی ئه‌پڵ به‌ڕێوه چوو له‌ژێر ناونیشانی دووباره سڵاو به ئنگلیزی (helo again) ـه، كۆمه‌ڵێك نوێكاری و به‌رهه‌می نایاب ڕاگه‌یه‌نرا.
له كۆنگره‌كه‌دا ئه‌وه‌ی جێی باس بێت ته‌له‌فزیۆنی ئه‌پڵ تی ڤی بوو به زیاد كردنی كۆمه‌ڵێك تایبه‌ت مه‌ندی گرنگ و نایاب، زیاد كردنی یاری(Minecraft) له‌لایه‌ن كۆمپانیای مایكرۆسۆفته‌وه، هه‌روه‌ها پاش ئه‌وه‌ی به‌ڕێوبه‌ری جێبه‌جێكاری كۆمپانیای ئه‌پڵ هاته سه‌ر سه‌حنه و ئاماژه‌ی به‌وه كرد كه له پلان و له تواناشیاندا هه‌یه كه یاری ڕاسته‌وخۆ بۆ نێو ته‌له‌فزیۆنی ئه‌پڵ تی ڤی زیاد بكه‌ن.
زیادكردنی ئه‌پلیكه‌یشنێك بۆ ڕێبه‌ری كردنی ته‌له‌فزیۆنی ئه‌پڵ تی ڤی، هه‌ر وه‌كوو چۆن له‌پێش ئه‌م كۆنفرانسه‌وه بۆ ئامێره‌كانی مۆبایله هۆشمه‌نده‌كانی ئه‌پڵ ڕاگه‌یه‌نرا، ئه‌م به‌رهه‌مه‌ش له مانگی ديسمبری ئه‌مساڵ و وه‌ك سه‌ره‌تایه‌ك له وڵاتی ئه‌مریكا ده‌خرێته به‌رده‌ست.
ڕاشی گه‌یاند كه ته‌له‌فزیۆنی ئه‌پڵ له سه‌رژمێریه‌كه‌یاندا ده‌ركه‌وتووه كه زیاد له 8000 به‌رنامه هه‌یه.
له‌و كۆنگره‌یه‌دا ماك بوك پرۆ خرایه به‌رده‌ست، به كۆمه‌ڵێك تایبه‌ت مه‌ندی ناوازه و گرنگه‌وه كه یه‌كێك له‌وانه زیادكردنی شریتێكی (له‌مس) ـه كه خۆی له خۆیدا ئه‌مه بۆ یه‌كه‌مجاره له میژووی ئه‌پڵ ئه‌م تایبه‌تمه‌ندیه زیادبكرێت، ماك بوك پرۆ به دوو قه‌باره‌ی جیاواز درووست كراوه كه یه‌كێكیان 13 ئینج ـه و ئه‌وی تریش 15 ئینج.
Touch Bar كۆمه‌ڵێك هێمای خێرای له‌سه‌ره ئه‌وانیش بریتین له، ناردنی په‌یام، سڕینه‌وه‌ی په‌یام، وه‌ڵامدانه‌وه‌ی خێرا، په‌یامی نوێ، وه كۆمه‌ڵێكی تریش، هه‌روه‌ها زیاد كردنی په‌نجه‌مۆر له‌سه‌ر Touch Bar .
تایبه‌ت مه‌ندیه‌كانی ئه‌پڵ تی ڤی بریتین له:
- Thinner body
- 13 and 15-inch sizes
- OLED touch panel
- Touch ID
- Thunderbolt 3
- USB-C ports
- USB 3.1 Gen 2 10Gb/s support
MacBook Pro 13 inch
- 2.9 GHz dual-core Intel Core i5 processor
- 8GB of memory
- Intel Iris Graphics
- and 256GB or 512GB of flash storage
MacBook Pro 15 inch
- 2.6 GHz or 2.7GHz quad-core Intel Core i7 processor
- 16GB of memory,
- a Radeon Pro 450 or 455,
- 256GB or 512GB of flash storage.
له كۆتاییدا پێویستیمان به‌وه‌یه نرخی ئه‌م ماك بووك پرۆیه بزانین، ئێمه وه‌كوو تیك ئای نرخه‌كه‌یتان بۆ ده‌خه‌ینه ڕوو كه له سه‌رچاوه‌یه‌كی ئنگلیزیه‌وه وه‌رمان گرتووه و سه‌رجه‌م كۆمپانیا به‌ناوبانگه‌كانی بواری فرۆشتنی ئۆنلاینی تێدایه.
MacBook Pro به وێنه
تیك ئای: ڕه‌نجه حسێن
