دوای ئه‌وه‌ی كۆمپانیای ئه‌پڵی ئه‌مریكی به فه‌رمی ٢٧ ی ئه‌م مانگه‌ی كرده واده‌ی كۆنگره‌ی ئه‌پڵ و بڵاوكردنه‌وه‌ی كۆمپیوته‌ری ماكی نوێ له ئێستادا سه‌رقاڵی ئه‌وه‌یه بۆچوونی به‌كارهێنه‌رانی بزانێت ده‌رباره‌ی ئه‌و گۆڕانكارییانه‌ی كه له كۆمپیوته‌ری ماك ده‌كات به‌ر له نمایش كردنی .
كۆمپانیای ئه‌پڵ كۆمه‌ڵێك فرۆشیاری شاره‌زای ڕاسپاردووه بۆ وه‌رگرتنی ئاماری ئه‌و پرسیاره‌ی كه ئایا كار به هێدفۆن جاك ده‌كه‌یت یان نا بۆ ئه‌وه‌ی بزانێت كه به‌كارهێنه‌رانی ماك بووك و ڕیتینا تا چه‌ند كار به هێدفۆنی جاك ده‌كه‌ن و له ئه‌گه‌ری ڕاگه‌یاندنی نه‌مانی هێدفۆن جاكی 3.5mm ڕێژه‌ی ناڕه‌زایی و كه‌مبوونه‌وه‌ی به‌كارهێنه‌رانی چه‌ند ده‌بێت و تا چه‌ند سه‌ركه‌وتوو ده‌بێت له لابردنی .
دوای ده‌نگۆی لابردنی USB ی ماك بووك ده‌نگۆی ئه‌وه‌ش هه‌یه به‌هه‌مان شێوه‌ی ئایفۆن 7 له كۆمپیوته‌ری ماكیش هیدفۆنی جاك نه‌مێنێت ، بێگوومان تا ئێستاش شته‌كه فه‌رمی نیه به‌ڵام چاودێران و میدیاكارانی ته‌كنه‌لۆژی چاوه‌ڕێی ڕوودانی كارێكی واده‌كه‌ن و له ڕێگای چه‌ندین هه‌واڵی دزه‌پێكراوه‌وه خه‌ریكه هه‌واڵه‌كه ده‌بێته شتێكی فه‌رمی و سه‌لماندنی ئه‌وه‌ی كه ئایا ماك بووكیش به هه‌مان شێوه‌ی ئایفۆن 7 ده‌بێت و ئه‌مساڵ ده‌بێته ساڵی نه‌مانی هیدفۆنی جاك له لایه‌ن كۆمپانیای ئه‌پڵ كه ته‌نها په‌یوه‌سته به كاته‌وه‌وه به‌كارهێنه‌ر و میدیاكار و چاودێران چاوه‌ڕوانی كاتژمێر ١٠ ی به‌یانی ڕۆژی ٢٧ ی مانگ ده‌كه‌ن .
هاوبه‌شی و بڵاوكردنه‌وه‌ی ئه‌م پرسیاره‌ی كۆمپانیای ئه‌پڵ له توویتێكی Dan_Masterson@ ی میوزیك ژه‌نی به‌ناوبانگ وای كرد مقه مقۆیه‌كی زۆر درووست بكات و چه‌ندان كه‌س به شێوازی جیا جیا وه‌ڵامی پرسیاره‌كه‌ی بده‌نه‌وه .
