٢٩ ی حوزه‌یرانی ٢٠٠٧ ئه‌و ڕۆژه بوو كه گه‌وره كۆمپانیای ئه‌پڵ تیایدا هه‌ڵسا به نمایش كردنی یه‌كه‌م مۆبایلی ئه‌پڵ به ناوی ئایفۆن 2g كه دوا به دوای ئه‌م مۆبایله زنجیره‌یه‌ك ئایفۆنی تریش نمایش كرا له بازاڕه‌كان تا دواهه‌مینیان كه له ٧ ی مانگی كانوونی دووه‌می ئه‌مساڵ به ناوی ئایفۆن (7) كه‌وته بازاڕه‌وه.
لێره‌دا جیاوازی نێوان یه‌كه‌م ئایفۆن و دواهه‌مین ئایفۆن ده‌خه‌ینه ڕوو به شێوه‌ی شیكاری و وێنه :
كاتێك كه كۆمپانیای ئه‌پڵ مۆبایلی ئایفۆن 2g ی بۆ یه‌كه‌م جار له ساڵی ٢٠٠٧ نمایش كرد تیایدا ئه‌له‌منیۆم و پارچه پلاستیكی بچووكی به‌كارهێنابوو یه‌كه‌م جار بۆ ئه‌م جۆره مادانه به‌م شێوه‌یه له‌سه‌ر كه‌ڤه‌ری مۆبایلێك وا سه‌ركه‌وتوو بێت ، كیبۆردی فیزیایی لابرابوو و كیبۆردی ئه‌لیكتڕۆنی خرابووه سه‌ر مۆبایله‌كه و له ڕێگای په‌نجه‌كانته‌وه كارت پێ ده‌كرد touch screen ی مۆبایله‌كه‌ش ٣.٥ ئینج بوو به‌ڵام له ئایفۆن (7) دا كراوه به ٥.٥ ئینج .
یه‌كه‌م ئایفۆن كه نمایش كرا شوێنی سه‌یڤ كردنی میمۆریه‌كه‌ی (storage) ٨گێگا بایت بوو كۆتا ئایفۆنیش شوێنی سه‌یڤ كردنی میمۆریه‌كه‌ی (storage) ٣٢گێگا بایت بوو .
نرخی سه‌ره‌تای ئایفۆن 2g له نێوان ٣٩٩$ بۆ ٥٩٩$ بوو به‌ڵام نرخی سه‌ره‌تایی ئایفۆن (7) ٦٤٩$ بوو.
كامێرای ئایفۆن 2g به بێ فلاشی كامێرا بوو هه‌روه‌ها ٢ مێگا پێكسڵ بوو به‌ڵام ئایفۆن (7) جگه له‌وه‌ی كه فلاشی كامێرای هه‌یه دوو كامێراشی له دواوه‌ی مۆبایله‌كه به‌ستراوه و كامێراكه‌شی ١٣ مێگا پێكسڵه .
له‌گه‌ڵ هاتنی مۆبایلی ئایفۆن 2g ڤێرژنی IOS 3 بڵاوبۆوه به‌ڵام له‌گه‌ڵ نمایش كردنی ئایفۆن (7) ڤێرژنی IOS 10 بڵاوبۆوه .
جگه له‌وه‌ی له ئایفۆن (7) شوێنی هیدفۆنی جاك لابردرا و دیزاینی جیاوازتر به‌كارهات و شوێنی بارگاوی كردنه‌وه و پاتری مۆبایله‌كه گۆڕانكاری به‌سه‌رداهات و زیاتر په‌ره به شوێنی په‌نجه‌مۆر درا و قه‌باره‌ی مۆبایله‌كه به‌راورد به یه‌كه‌م مۆبایلی ئایفۆن زۆر جیاواز بوو جگه له‌وه‌ی به هۆی هه‌بوونی كاتژمێری ئه‌پڵ له سه‌رده‌می ئایفۆن (7) و چه‌ند كارێكی تریش له‌نێوان ئه‌م دوو ئامێره ئه‌نجامده‌درا .
