کۆمپانیای فەیسبووک ڕایگەیاند، ئاستێکی نوێی پاراستنی بۆ ئەپی مەسنجەر زیادکردووە. ئەم تایبەتمەندییەش بۆ هەموو بەکارهێنەرەکان بەردەستە.
بەهاری ڕابردوو کۆمپانیای فەیسبووک هەمان تایبەتمەندیی بۆ واتساپ زیادکرد کە ئەویش لەژێر خاوەندارێتی فەیسبووکدایە.
بەپێی فەیسبووک لە چەند هەفتەی ڕابردووشدا پرۆسەی زیادکردنی تایبەتمەندیی پاراستنی زانیارییەکان بۆ هەموو ٩٠٠ ملیۆن بەکارهێنەرەکەی مەسنجەر ئەنجامدراوە و ئێستا پرۆسەکە تەواو بووە.
بەم پێیە بەکارهێنەر سەرپشک دەبێت لە هەڵبژاردنی ئاستی پاراێزراوی نامەکانیدا بە جۆرێک کە جگە لەو دوو کەسەی نامەکان دەنێرن هیچ لایەنێکی دیکە تەنانەت فەیسبووک خۆی ناتوانێت ناوەڕۆکی نامەکان ئاشکرابکات.
ئێستا بەکارهێنەرانی ئەپی نوێکراوەی مەسنجەر لەسەر سیستمەکانی ئەندرۆید و ئای ئۆ ئێس دوگمەیەکی نوێ لە بەشی لای ڕاستی نامەی نوێوە داناوە، کە لێی نوسراوە (Secret) بۆ چالاک کردنی تایبەتمەندییەکە.
هاوکات بەکارهێنەران دەتوانن سوود لە تایبەتمەندییەکی دیکە وەربگرن کە هاوشێوەی ئەپی سناپچات ڕێگە دەدات نامەکان پاش ماوەیەکی دیاریکراو بە شێوەیەکی خۆکار بسڕێنەوە.
s:nrttv
