دوای ئه‌وه‌ی له ٧ی مانگی ئه‌یلوولی ڕابردوو له كۆنگره‌ی ئه‌پڵ نوێترین به‌رهه‌م و گۆڕانكاریه‌كانی ئامێره‌كانی ئه‌پڵ نمایش كران كۆمپیوته‌ری ئه‌پڵیش بێبه‌ش نه‌بوو له‌و نوێكاریانه‌ی كۆنگره و ڤێرژنی نوێی ماكینتۆش یه‌كێك بوو له‌و نوێكاریانه‌ی كۆمپانیای ئه‌پڵ.
هه‌موو ساڵێك كۆمپانیای ئه‌پڵ ڤێرژنێكی Mac OS نوێ ده‌خاته بازاڕه‌وه به‌ڵام ئه‌مساڵ جگه له‌وه‌ی ڤێرژنێكی نوێی خسته بازاڕه‌وه هه‌ڵسا به گۆڕینی ناوه‌كه‌یی و OS X 10.11 El Capitan ی لابرد و macOS sierra 10.12 ی له شوێنی ئه‌و زیاد كرد
Siri
ده‌توانیت هه‌ر شتێكت بوێت و به دوایدا بگه‌ڕێیت و ئه‌نجامی كار و چۆنیه‌تی به‌ڕێكردنی ڕۆژانه‌ت پێده‌ڵێ و ته‌نانه‌ت ده‌توانیت شیكاری پرسیاری بیركاری تێیدا بكه‌یت .
Universal Clipboard
له ڕێگای ئه‌م به‌رنامه‌یه‌وه ده‌توانیت دوای ئه‌وه‌ی مۆبایلی ئایفۆنت له‌گه‌ڵ كۆمپیوته‌ری ماكه‌كه‌ت به‌سته‌وه هه‌ر شتێكت بوێت له نێوانیان بگوازیته‌وه .
Auto Unlock
له ڕێگای ئه‌م به‌رنامه‌یه‌وه ده‌توانیت له كاتی هه‌ڵگیرسانی كۆپیوته‌ره‌كه‌ت كه كاتێك داوای وشه یان ژماره‌ی نهێنیت لێ ده‌كات ئه‌گه‌ر كاتژمێری ئه‌پڵت له ده‌ست بێت به هیچ شێوه‌یه‌ك پێویست به به‌كارهێنانی ژماره و وشه‌ی نهێنی ناكات له ڕێگای كاتژمێری ئه‌پڵه‌كه‌ت دوای ئه‌وه‌ی كه هه‌ردووكیانت به‌یه‌كه‌وه به‌سته‌وه هه‌موو جارێك له ڕێگای كاتژمێری ئه‌پڵه‌وه ده‌توانیت ڕاسته‌وخۆ ڕێگا به هه‌ڵگیرسان كۆمپیوته‌ره‌كه‌ت بده‌یت.
Apple Pay
له‌م ڤێرژنه نوێیه‌ی ئه‌پڵ ئاسانترین ڕێگا ده‌دۆزێته‌وه بۆ ئه‌وه‌ی بتوانیت پاره بده‌یت بۆ به‌كارهێنانی كڕینی هه‌ر شتێك له بازاڕه‌كانی ئۆنڵایندا دوای ئه‌وه‌ی له ئینته‌رنێت ده‌چیته سه‌ر Apple Pay دوای ئه‌وه له ڕێگای دووگمه‌ی Home Touch ID مۆبایله‌كه‌ت له په‌نجه مۆری ده‌ستت دڵنیا ده‌كه‌یته‌وه دوای ئه‌وه دوگمه‌ی كاتژمێری ئه‌پڵه‌كه‌ت داده‌گریت و له كاره‌كه‌ت سه‌ركه‌وتوو ده‌بیت و ڕێگا به كڕینی هه‌ر شتێكی باوه‌ڕپێكراو ده‌درێت له‌لایه‌ن كۆمپانیای ئه‌پڵ .
Photos
وێنه مانادار و یادگاریه‌كانت بۆ ڕێكده‌خات و یان ئه‌و وێنانه‌ی له لایه‌ن خه‌ڵكه‌وه بۆت هاتوون یاخود هه‌ر ڕووداوێك بێت له شوێنی جیاواز بۆتی داده‌نێت ، ئه‌و زۆرترین وێنانه‌ی له شوێنێك گیراون له‌سه‌ر نه‌خشه‌ی جیهان بۆتی دیاری ده‌كات و هه‌ر وێنه‌یه‌كت بوێت ده‌توانیت له سێرچدا بیدۆزیته‌وه .
Messages
ڕێگای نوێی دیاری كردووه بۆ ده‌ربڕینی خۆشیه‌كانت به زیادكردنی ڤیدیۆ گه‌یم ی ئیمۆجی جیاواز .
iCloud Drive
ده‌توانیت به شێوه‌یه‌كی ئۆتۆماتیكی له ڕێگای كۆمپیوته‌ره‌كه‌ته‌وه فایل یان هه‌ر شتێك بۆ ئایفۆنه‌كه‌ت سه‌یڤ بكه‌یت به هه‌ر شێوه‌یه‌ك كه بته‌وێت .
Optimized Storage
به ناو و به‌شی نوێ و جیاوازتر باسی له شوێنی پڕبوونی هاردی لاپتۆپه‌كه كردووه .
