زۆر کات لەشەواندا پێش خەوتن مۆبایەلەکەمان بە شەحنەوە دەکەین بۆ ئەوەی بەیانیان مۆبایلەکانمان پڕ شەحن بێت.
لێرەدا دوو شت هەیە:
یەکەمیان ئەگەر تۆ نیازت هەیە مۆبایەلەکەت لە 2 ساڵدا بفرۆشیت واتە ئامادە نیت لە 2 ساڵ زیاتر مۆبایلێکت پێبێت ئەوا کێشە نابێت لە هەر کاتێکدا مۆبایلەکت شەحن بکەیتەوە چونکە مۆبایلەکەت ناگاتە ئەوەی زیان بەر پاتریەکەی بکەوێت.
بەڵام ئەگەر دەتەوێت بۆ ماوەیەکی زۆر مۆبایلەکەت لەلات بمێنێتەوە ئەوا پێش هەموو شتێک پێویستە ئەوە بزانیت کە زۆر شەحنکردنی مۆبایل دەبێتە هۆی لەدەستدانی ئایۆنی لیسیۆم لە پاتری مۆبایلەکەدا.
ئەمەش دەبێتە هۆی لاوازبوونی پاترییەکەی، بۆیە پێویستە ماوەی شەحنکردنەوەی مۆبایلەکەت دیاریکراو بێت، هەرکاتێک مۆبایلەکەت شەحنی تەواوی وەرگرت. بە زوویی لە شاحینەکەی بکەرەوە، ئەمەش ئەوە دەگەیەنێت شەحنکردنی مۆبایلەکەت لە شەودا زیانی زۆر بە پاتری مۆبایلەکەت دەگەیەنێت.
وەرگێڕانی: شاد ئازاد-دواڕۆژ
