له پێشه‌نگای نێوده‌وڵه‌تی نیۆرك بۆ ئۆتۆمبێڵ، كۆمپانیای لاندرۆڤه‌ر ناوازەترین ئۆتۆمبێڵی خۆی به ناوی Range Rover SV Autobiography پێشكه‌شی هه‌وادارانی كرد، به‌تایبه‌ت بۆ ئه‌و كه‌سانه‌ی كه‌حه‌زیان له ئۆتۆمبێڵێ گه‌وره و به‌هێزه.
ئه‌م ئۆتۆمبێڵه له لایه‌ن چه‌ند قوتابیه‌كی كچی به‌شی تایبه‌تی (JLR Special Vehicle Operations) له كۆمپانیای لاندرۆڤه‌ر و جاكوارد دیزاین كراوه.
روكاری ده‌ره‌وه:-
رووی ده‌ره‌وه‌ی به دوو ره‌نگ روپۆشكراوه، به‌شی سه‌ره‌وه‌ی به ره‌نگی ره‌ش و له به‌شی خواره‌وه‌شی توانای هه‌ڵبژاردنی 9 جۆر ره‌نگی هه‌یه له‌سه‌ر داواكاری كڕیار، به‌شی پێشه‌وه‌ش به كڕۆمی بریقه‌دار رازاوه‌ته‌وه، ویل و تایه‌كانیش به شێوازێك دروستكراون كه جوانی پایه‌به‌رزی به ئۆتۆمبێڵه‌كه ده‌به‌خشێت.
یه‌كێك له دروشمه‌كانی ئه‌م ئۆتۆمبێڵه داپۆشین و پاراستنی ئامێره‌كانیه‌تی به تایبه‌ت بزوێنه‌ری كه ده‌بێته هۆكار بۆ ته‌مه‌ن درێژی بزوێنه‌ر و ئامێره‌كانی.
روكاری ناوه‌وه:-
لاندرۆڤه‌ر گرنگیه‌كی زۆری به ناوه‌وه‌ی ئۆتۆمبێڵه‌كه داوه، هه‌ر له‌یه‌كه‌م سه‌یركردنت چاوت ده‌كه‌وێت به‌و جوانی دره‌وشاوه‌ی ناوه‌وه‌ی ده‌رگاكانی كه به ئه‌له‌منیۆم داپۆشراوه و له‌لایه‌كی تریشه‌وه روپۆشی هه‌ندێك به‌شه‌كانی به داری سروشتی كه ناوه‌وه‌ی رازاندۆته‌وه.
لاندرۆڤه‌ر له به‌شی دواوه‌ی ئۆتۆمبێڵه‌كه دوو كوشنی تاكه كه‌سی گه‌وره به جیا جێگیركراوه و توانای جوڵه‌یه‌كی فراوانی هه‌یه، كه به ماده‌یه‌كی جلدی روپۆشكراوه، له‌گه‌ل بوونی 3 مێزی جولاو و 2 شاشه‌ی جێگیر به‌رامبه‌ر هه‌ر كوشینێك.
كۆمپانیاكه خێزانه گه‌وره‌كانیشی له یاد نه‌كردووه و له‌سه‌ر داواكاری ئه‌و خێزانانه ده‌تواندرێت 2 كوشنی تر له ده‌رگای دواوه زیاد بكرێت.
هه‌ندێك له تایبه‌تمه‌ندیه‌كانی Range Rover SV Autobiography2016
– بزوێنەرەكەی (8) پستۆن، (5) لیترە، له جۆری (V8).
– هێزی راكێشانی (550) ئەسپ و (680) نیوتن/مه‌تری هه‌یه.
– لەخاڵی سفرەوە بۆخێرایی (100) كیلۆمەتر پێویستی بەته‌نها (5.5) چركە هەیە.
– به‌رزترین خێرایی (225) كیلۆمه‌تر/كاتژمێره.
– نرخی (300) هه‌زار دۆلاری ئه‌مریكیه.
– به به‌نزین كار ده‌كات.
s:kurdiu
