هەموو کات لە نێو ئامێرە زیرەکەکان بەرنامەیەک هەن بۆ دەسکاریکردنی وێنەکان بەڵام تایبەتمەندییان کەمە یاخوود بەکاربەر حەز بە تایبەتمەندی و زیادکاری تر هەیە کە بە دڵنیایەوە نەرمەواڵەکانی کۆمپانیا جیهانیەکان توانیویانە ئەو حەزە بۆ بەکاربەران فەرهەم بکەن و چەندین جۆر نەرمەواڵەی دەسکاریکردنی وێنە دابین بکەن بە چەندین جۆر کاریگەری و جوانکاری نایاب کە دەتوانیت وێنە گیرا و نەگیراوەکان جوانتر و نایاببتر بڕازێنیتەوە، ئەمڕۆ لیستێکمان بۆ ئامادەکردوون کە ٦ نەرمەواڵەی لە خۆگرتووە:
وێنەکانت جوانتر دەرخە ئەگەر چی جوانیش نەتگرتبێت.
Prisma: ببە هونەرمەند
شێوازی جوان بە وێنە دەبەخشێت لەگەڵ ئەوەی توانای دەسکاریکردنی هەموو جۆرە وێنەیەکی هەیە شێوە کاریگەریەک دەدات بە وێنەکان نزیک بێت لە شێوازی هوونەر مەندان و سەرنجێکی جوان بۆ وێنەکان دروست دەکات، نەرمەواڵەکە لە کۆگای پلەی ستۆری بەردەستە.
دەتوانیت وێنەیەک لە وێنەکانی موبایلەکەت هەڵبژێریت و دەسکاری بکەیت بە زیاتر لە ٣٠ جۆر فیلتەر و جوانکاری کە بەخواستی خۆت هەڵیان دەبژێریت کە لە چەندین جۆری شێوازی کێشراوی هوونەرمەندان بنیادنراون دەتوانیت وێنەکان جیاواز و نایاب بکەیت و وێنەکانت وەک وێنەی هوونەرمەندێک بڕازێنیتەوە.
ئایە ئەوە هوونەرە؟ بەدڵنیایەوە نەخێر، بەڵام چێژێکی تایبەتت پێدەبخشێت.
داگرتن لە Play store
داگرتنی APK
Adobe Photoshop Express: خێرا و ئاسان
Adobe Photoshop Epress نەرمەواڵەیەکی نایابە بۆ دەسکاریکردنی وێنەکان لە ئەندرۆیدا، هەر وێنەیەک لە ناو ئامێرەکەدا هەبێت دەتوانیت بە ئاسانی خێرایی دەسکاری و کاریگەری پێ بخەشیت و شێوەیەکی جوانتری پێ بدەیت، هەر هەمان Adobe Photoshopی کۆمپیوتەرەکانە و بەشێوەیەکی سادە و گونجاوتر بۆ موبایل و ئامێرە دەستیەکان دروستکراوە.
بە ئاسانی دەتوانی دەسکاری دووری وێنەکان یان بیخولێنیتەوە یاخوود لێی ببڕیت، یاخوود سوور بوونی چاوی پێ لابەیت کە لەکاتی گرتنی وێنەکان هەندێک کات ڕوودەدەن، بە ئاسانی دەتوانی وێنەکان کۆنتڕۆڵ بکەیت و بیان گۆڕیت، چەندین تایبەتمەندی تری نایابی هەیە کە پێویستن.
چەندین ئەگەری باشتریش هەن لە نەرمەواڵەکە بەتایبەت ئەگەر تۆ بتەوێت بەشێوەیەکی پێشکەووتوو وێنەکان دەسکاری بکەیت، دەتوانیت کاریگەر ببەخشیت بە وێنەکان و دەسکاری پەڕگەی قەبارە گەورەش بکەیت و چەندین تایبەتمەندی تر کە پێویست بێت بۆ نەخشاندنێکی پێشکەوتوو.
داگرتن لە Play store
داگرتنی APK
AirBrush: بۆ سێڵفیەکی باشتر
AitBrush باشترینە بۆ هەوادارنی وێنەی سێڵفی، ئەگەر تۆ یەکێکیت لە هەوادارانی وێنەی سێڵفی ئەوا کات درەنگ نیە و AirBrush تاقیکەوە، نەرمەواڵەیەکی گونجاوە بۆ دەسکارکردنی وێنە سێڵفیەکان بۆ فەیسبووک، تویتەر.
چەندین تایبەتمەندی باشی هەیە لەوانە لابردنی چرچ و لۆچی دەموچاو یاخوود پەڵەکان وە توانای لابردنی زیپکەشی هەیە، کورت و پوخت پێست تەواو ساف دەکات لەگەڵ ئەوەش توانای سپیکردنەوەی دەدانەکانی هەیە و یاخوود ئەگەر ژێر چاوەکانت مۆرببوونەوە لایان ببەیت.
داگرتن لە Play store
داگرتنی APK
PhotoDirector: مەزنترین
نەم نەرمەواڵەیە بەرهەمی کۆمپانیایی Cyberlink کە بەکاردەهێنرێت بۆ دەسکاریکردنی وێنەکان، بە یەکێک لە باشترین نەرمەواڵەکان دادەنرێت کە بۆ دەسکاریکردنی هەموو جۆرە وێنەیەک ئەشێ.
دەتوانیت بە ئاسانی کاریگەری و جوانکاری بدەیت لە وێنەکەت و جیاوازتری بکەیت شێوەی نیشاندانی تری پێبخەشیت لەکاتیی کەمدا لەگەڵ ئەوەش چەندینی تایبەتمەندی پێشکەوتووشی هەیە.
داگرتن لە Play store
داگرتنی APK
Photo Editor by dev.macgyver: بۆ شارەزایان
یەکێکە لە نەرمەواڵە باشەکان چەندین هەڵبژاردەی هەیە کە نزیکی دەکاتەوە لە Photoshop و GIMP, یەکێکە لەو نەرمەواڵە کەمانەی کە توانای دەسکاریکردنی EXIF data و چەمانەوەی ئامڕزەکانی هەیە.
نرخی خۆڕاییە، بەڵام ڕیکڵام لەناو بەرنامەکە هەیە، لەگەڵ ئەوەش بەردەوام نوێدەکرێتەوە.
داگرتن لە Play store
داگرتنی APK
Photo Editor by Lidow: وێنەکانت گاڵتە ئامێز بکە
وێنەکانت دەسکاری بکە لە کاتێکی کەمدا و شێوەیەکی گاڵتە ئامێزی پێببەخەشە لە نێوان ملیۆنان بژاردە، دەتوانیت کاریگەری و جوانکاری بدەیت، کارکردن لەم نەرمەواڵەیە ئالۆز نیە و دەتوانیت کاریگەی بدەیت بە وێنەکان تەنها بە کرتە کردن لە کۆمەڵێک لیستی ئامادەکراو، هەندێک لە کاریگەریەکان جوان و ناوازەن و هەندێکیشیان گاڵتە ئامێز.
داگرتن لە Play store
داگرتنی APK
ئەم بابەتە لە لایەن هاوکارانمان لە ئەندڕۆ کورد ئامادەکراوە
