زۆرجار ئێمە دەچینە دوکانێکی مۆبایلەوە یاخود کەسێک مۆبایلێکی پێیە و دەیفرۆشێت … ئێمە چۆن بزانین کە ئەو مۆبایلە تا چەند باشە و ئایا بەکەڵکی کڕین دێت یان نا ؟
- گرینگترین شت کە پێویستە لە کاتی کڕینی مۆبایلێکدا ئاگاداری بین بریتیە لە (ڕام) .
هەتاوه‌كو ڕام زیاتر بێت ئەوەندە باشترە ، بۆ نمونە ڕامی 5 گێگابایت و 8 و 16 و ..هتد
بەڵام ئەوەی لێرەدا زەرورە بیڵێم ئەوەیە کە هەرگیز مۆبایلێک مەکڕن کە ڕامی لە 5gb کەمتر بێت .
بۆ ؟
چونکە ئەگەڕ مۆبایلەکەت وێنە و ڤیدیۆ و یاری و کەمێک شت دابەزێنیتە ناوی، ئەوکاتە زۆر خاو دەبێتەوە و دەبێ زو زو فۆڕماتی بکەیت ، ئەوەش زۆر بێتاقه‌تمان دەکات .
2.پارێزراوی مۆبایلەکە .
کەسی وا هەیە کە مۆبایلێک دەفرۆشێت دەڵێ بڕوا بکە مۆبایلێکی زۆر چاک و بەهێزە ، تا ئیستا چەندین جار لەدەستم کەوتۆتە خوارەوە یان لە شوێنێکی بەرزەوە کەوتۆتە خوارەوە هیچی لێ نەهاتووە ، جا ئەم جۆرە مۆبایلانە هەرگیز مەکڕن ، چونکە ئەگەر چەندین جار کەوتبێتە خوارەوە و هیچی لێ نەهاتبێ ، ئەوا بێ گومان ئەم جارە شتێکی هەر لێ دێت و لە ناوەوە زیانێی زۆری پێ گەیشتوە …
- كۆدی *#0*# تاقی بكه‌ره‌وه
ئەم کۆدە لەسەر ئەو مۆبایلەی کە دەتەوێ بیکڕیت لێ بدە و هەموو شتەکانی تاقی بکەوە ، ئەگەر یەکێکیان یان دوانیان کاریان نەکرد واتە بەکەڵک نایەت ، بەڵام ئەگەر هەمووی کاری کرد واتە لە ڕوی سۆفتوێرەوە مۆبایلەکە هیچ کێشەیەکی نیە و شیاوە بۆ کڕین .
- كۆدی *#06# لێبده
ئەم کۆدەشیان گرینگە بۆ زانینی نەوەی مۆبایلەکە ،
واتە کاتێک کۆدەکە لێ ئەدەیت پێت دەڵێ مۆبایلەکەت (وەجبەی چەندەمە) واتە نەوەی چەندەمە.
بۆ نمونە نەوەی 1 زۆر باشترە لە نەوەی دوەم لە ڕووی هەندێک شتەوە ، وەک : پاتری و تایبه‌تمه‌ندیه‌كانی تر … جا بۆ ئەوەی بزانیت سەیری ئەو دوو ژمارەیە بکە کە لە پاش سڵاشەکەوە نوسراوە ، ئەگەر 01 بو ، واتە نه‌وه‌ی یەکەمە ، ئەگەر 02 بوو واتە نەوەی دووەمە .
- کامێرە و مێگاپیکسڵی .
بێ گومان ئەگەر تۆ ئارەزوی وێنەگرتنت هەبێت و حەز بکەیت وێنەی جوان و شاز بگریت ، پێویستە مێگاپیکسڵی کامێراکەت بەرز بێت ، وە هەتا بەرزتر بێت وێنەی جوانتر و باشتر و کوالێتی بەرزتر دەگرێت . 8m.p ، یان 12 یان 16 …هتد ، ئەمانە زۆر گونجاون و وێنە بە کوالێتی فول HD دەگرن .
هاوڕێیان لەکاتی کڕینی مۆبایلێکدا ئەگەر تۆ ئەم 5 خاڵەت ڕەچاو کرد ، ئەوا دڵنیابە لەوەی کە مۆبایلێکی باش و نایابت کڕیوە و لێی پەشیمان نابیتەوە .
ئاماده‌كردنی : ئارام جه‌بار
