گەورە كۆمپانیای گۆگڵی ئەمریكی بەردەوامە لەسەر پەرەپێدانی پرۆژەی ئارا و ئاشكرای دەكات كە لە داهاتوویەكی نزیكدا ئەم پرۆژەیە بە فەرمی نمایش دەكات.

ناوەراستی ساڵی ڕابردوو گەورە كۆمپانیای گۆگڵ پەردەی نهێنی لەسەر یەكێك لەگەورەترین پرۆژە تەكنەلۆژیەكانی حیهان بە ناوی (ئارا) لادا و ڕایگەیاند كە هەموو كەسێك دەتوانێت لە ماڵی خۆیەوە و بە ئارەزووی خۆی مۆبایل دروست بكات .

دەربارەی پرۆژەی (ئارا)كۆمپانیای گۆگڵ دەڵیت : لە سەرانسەری جیهاندا هیچ كۆمپانیایەكی تەكنەلۆژی نەیتوانیوە بە تەنها ئامێرێكی هۆشمەند واتە كۆمپیوتەر و مۆبایل و تابلێت و هەر ئامێرێكی تر , بە تەنیا دروست بكات , نمونە شاشەكەی لەلایەن كۆمپانیایەكەوە دروست كراوە و پرۆسیسەرەكەی لەلایەن كۆمپانیایەكی ترەوە و هاردەكەی كۆمپانیایەكی تر و هەروەها پارچەكانی تریش بەهەمان شێوە , بەڵام ئەمجارەیان تۆ لە ماڵەوە بە ئارەزووەی خۆت بەرهەم و ئامێرە تەكنەلۆژیەكان دروست بكە .

دەربارەی چۆیەنی جێبەجێكردنی ئەم پرۆژەیە , كۆمپانیای گۆگڵ دەڵیت : هاوڵاتیەكی ئاسایی دەیەوێت مۆبایلێك بە ئارەزووی خۆی دروست بكات , واتە خۆی تایبەتمەندی مۆبایلەكە هەڵبژێرێت وەكو زوومی كامێراكە و خێرایی و جۆری پرۆسیسەرەكە و شاشە و رام و میمۆری و رەنگ و هەر بە شێكی تر , ئەوا دەتوانێت بە ئارەزووی خۆی و بە گوێرەی ئاستی ماددی خۆی پارچەكان بكرێت و لە مالەوە بەیەكیان ببستێتەوە .

گۆگڵ ئاماژەی بەوە داوە كە لە هەر كاتێكدا بەكارهێنەرانی پرۆژەی ئارا ئارەزووی ئەوەیان كرد كە تایبتەنمەندی مۆبایلەكانیان بگۆرن ,ئەوا زۆر بە ئاسانی دەتوانن سەردانی كۆگاكانی تایبەت بە كۆمپانیای گۆگل بكەن و پارچەكانیان بۆ بگۆردرێتەوە .

ئەو كارەی كۆمپانیای گۆگڵ بەیەكێك لەسەرنج راكێشترین و ناوازەترین داهێنانی تەكنەلۆژیی دادەنرێت , هەر ئەمەشە وای كردوە كە نیگەرانی گەورە كۆمپانیای سامسۆنگ و ئەپڵ بە دوای خۆیدا بهێنت و داوا لە گۆگڵ بكەن كە ئەم پرۆژەیە رابگرێت .

بە بڕوای پسپۆرانی تەكنەلۆژی, لەگەل جێبەجێكردنی ئەم پرۆژەیە , فرۆشی مۆبایلی هۆشمەندی كۆمپانیاكانی تر دادەبەزێت ئەمەش لەبەر ئەوەی بەكارهینەری مۆبایلەكانی پرۆژەی ئارا پێویست ناكات كە زوو زوو مۆبایلەكانیان بگۆرین , بەڵكو لە هەر بە شێكی ئەم مۆبایلە بێزار بوون , ئەوا تەنها بە تێَچوویەكی كەم مۆبایلەكانیان دەگۆرن .

 

هەموو ماڵپەر و دەزگایەكی ڕاگەیاندن ئازادە لە بڵاو كردنەوەی بابەتەكانی ماڵپەری تێك ئای، بەمەرجێك ئاماژەی بە سەرچاوەكە بكات

شەیر بكە بۆ هاوڕێیانت

دەربارەی نوسەر

دەرچووی كۆلێژی زانست - بەشی كۆمپیوتەر م ، 4 ساڵ وەكو گرافیك دیزاینەر كارم كردوە ،بەشداری چەندین خولی نێودەولەتیم كردوە خاوەنی زیاتر له‌ ١٢ بڕوانامه‌ى نێوده‌وله‌تیم (ئەمریكى، هۆڵەندی ، نه‌رویجى ، توركی )لە بواری كۆمپیوتەر و ئینتەرنێت. سەرۆكی ڕێكخراوی تێك ئای بۆ خزمەتگوزاری تەكنەلۆژیای زانیاری... ئامانجی ئێمە پشتگیری و پاڵپشتی كردنی شارەزایانی بواری تەكنەلۆژیایە و پەرەدانە به‌ بەرهەمەكانیان.......

كۆمێنتێك بنووسە