لە ژێر ناونیشانی (چیت دەوێت ڕاستەوخۆ ئەنجامی بدە, بەڵام لەسەر پێستەكەت بە بێ ئەوەی پێویستت بەمۆبایلی هۆشمەند هەبێت ) بازنی تەكنەلۆژی سێركێت لەلایەن كۆمپانیای سێركێتەوە نمایش كرا .
بازنی سێركێت بە یەكەمین و باشترین بازنی ئەلیكترۆنی تەكنەلۆژی دادەنرێت كە بێ ئەوەی پێویستت بە مۆبایل یان تابلێت هەبێت , ئەوا راستەوخۆ و تەنها لە رێگای جوڵاندنی مەچەكی دەستتەوە كاری پێ بكەیت .
ئەوكاتەی كە مەچەكی دەستت دەجوڵێنت ئەوا شاشەیەك لەسەر پێستت دروست دەبێت و دەتوانیت وەلامی نامە و ئیمەیلەكانت بدەیتەوە و لە هەمان كاتدا سەرجەم ئەو كارانە ئەنجام بدەیت كە لەسەر مۆبایل و تابلێت ئەنجام .
پیُویست ناكات هەمیشە مۆبایل لە گیرفانت دەرببهێنیت یان تابلێتەكەت لە جانتا دەر بهێنیت , بەڵكو لەمەوداو هەموو ئەو كارانە لە رێگای بازن یان مەچەكبەندی سێركێتەوە ئەنجام بدە .
تایبەتمەندیەكانی بازنی تەكنەلۆژی سێركێت ئەوەیە كە رام و پرۆسیەر و پاتری هەیە و پۆرتی مایكرۆ یو ئێس بی هەیە و خزمەتگوزاری بلوتوس و وای فای هەیە و لە هەمان كاتدا شاشەكەی لە جۆری ئێڵ ئی دیە و قەبارەكەیشی دوو جۆری هەیە ئەوانیش 16 گێگابایت و 32 گێگابایت و 10 رەنگی هەیە .
شایەنی باسە لە ئێستادا بازنی هۆشمەندی سیًركێت بە فەرمی بڵاو كراوەتەوە و لەسەرجەم بازاڕەكانی جیهان دەفرۆشرێت .