بۆ یەكەم جار , كۆمپانیای سۆشیال ماتیك تایبەت بە بەرهەم هێنانی كەل و پەلی تەكنەلۆژی , كامێرایەكی دیجیتاڵی پلۆرایدی بە سیستەمی ئەندرۆید نمایش كرد.

پلۆراید بریتیە لەو كامێرایانەی كە ڕاستەوخۆ دوای وینەگرتنەكە , وینەكەت لەسەر كاغەزیكی تایبەت پێ دەداتەوە .

لە پێشووتردا ئەم جۆرە كامیرایانە زۆر باوە بوە و بە تایبەتی لە سەیرانگا و شوینە گەشتیاریەكان , بەڵام لەگەل پەرەسەندنی بواری تەكنەلۆژیی و سەرهەڵدانی ئامێرە هۆشمەندەكانی وەكو مۆبایل و تابلیت , بەرهەم هینانی ئەم جۆرە كامێرایەش ڕووی لە كەمی كردوە .

كۆمپانیای سۆشیال ماتیك ئاماژە بەوە دەكات كە بەرهەمەكەی ئەوان تەواو جیاوازە لە هەموو بەرهەمەكانی پَیش خۆی و ئەم كامێرایە ئاسانكاری زۆر دەكات بۆ بەكارهینەر و بە تایبەتی ئەوانەی تۆری كۆمەلایەتی ئینستاگرام بە كاردەهینن , لەبەر ئەوەی زۆر حەزیان بە وێنە گرتن هەیە .

تایبەتمەندیەكانی ئەم كامێرایە نوێیە بریتیە لە شایەیەكی پێوەر هەستیار واتە لەمس بە قەبارەی 4 پۆین 3 ئینج و لە هەمان كاتدا خزمەتگوزاری وای فای و بلوتسی هەیە و لە توانیادا هەیە كە دوو وێنە لە سێ ئینجدا بەكەمتر لە خولەكێك چاپ بكات.

میمۆریەكەی 4 گێگابتەو شوینی میمۆری دەرەكی و یوئێس بی هەیە .

كامیرای دواوەی 14 میگا پیكسلە و وێنەكان بە فوول ئیچ دی دەگریت و هەروەها كامێرای پیشەوەی 2 میگا پێكسلە .

جگە لەوانە , دوای ئەوەی بەم كامێرایە وێنە دەگریت , دەتوانیت ڕاستەوخۆ وینەكانت بۆتورە كۆمەلایەتیەكانی وەكو فەیسبووك و وتویتەر و ئینستاگرام بنێریت

هەموو ماڵپەر و دەزگایەكی ڕاگەیاندن ئازادە لە بڵاو كردنەوەی بابەتەكانی ماڵپەری تێك ئای، بەمەرجێك ئاماژەی بە سەرچاوەكە بكات

شەیر بكە بۆ هاوڕێیانت

دەربارەی نوسەر

دەرچووی كۆلێژی زانست - بەشی كۆمپیوتەر م ، 4 ساڵ وەكو گرافیك دیزاینەر كارم كردوە ،بەشداری چەندین خولی نێودەولەتیم كردوە خاوەنی 6 بروانامەی ئەمریكى و 2 بڕوانامەی هۆڵەندیم لە بواری كۆمپیوتەر و ئینتەرنێت. سەرۆكی ڕێكخراوی تێك ئای بۆ خزمەتگوزاری تەكنەلۆژیای زانیاری... ئامانجی ئێمە پشتگیری و پاڵپشتی كردنی شارەزایانی بواری تەكنەلۆژیایە و پەرەدانە بەرهەمەكانیان.......

كۆمێنتێك بنووسە